खोज

पाल्पा, ३ पुस ।

पाल्पामा लागुऔषध सहित बिभिन्न ब्यक्ति पक्राउ परेका छन् । बुधबार बिहान ११ बजेको समयमा रम्भा गाउँपालिका ३ स्थित सिद्धार्थ राजमार्गको सीतापहाडमा चेकजाँच गर्ने क्रममा बुटवलबाट पोखरा जादै गरेको ग ५ प ८३५५ नम्बरको मोटरसाईकल चेकजाँच गर्दा सिट मुनी लुकाई राखेको अबस्थामा प्रहरीले पोखरा महानगरपालिका २५ बस्ने ३० बर्षका जयदेब बिक र सोही मोटरसाईकल पछाडि बस्ने पोखरा महानगरपालिका २७ बस्ने बर्ष २५ को अजित परियारलाई समेत नियन्त्रणमा लिइएको प्रहरीले जनाएको छ ।

उनीहरुको साथबाट डाईजेपाम इन्जेक्सन २÷२ एमएल ४४ एम्पुर, एलपी इन्जेक्सन २÷२ एमएल ४४ एम्पुल, पेनर्जी इन्जेक्सन २÷२ एमएल ४४ एम्पुल प्रहरीले बरामद गरेको छ ।

त्यस्तै बुधबार बिहान ८ बजेको समयमा तानसेन ४ सिल्खानटोल स्थित राष्ट्र हाउस फेन्सी खानतलासी गर्दा तानसेन ३ भगवतीटोल बस्ने ३१ बर्षको राजा सोनीले अबैध रुपमा राखेको ३६ थान भेप बरामद गरेको छ ।

त्यस्तै तानसेन ४ सिल्खानटोल स्थित ५२ बर्षिय अलिम मियाले सन्चालन गरेको अलिम स्टोर्सबाट ३२ थान भेप फेला पारि दुबै जनालाई नियन्त्रणमा लिई थप अनुसन्धानका लागि राजश्व अनुसन्धान कार्यालय बुटवल पठाईएको जिल्ला प्रहरी कार्यालय पाल्पाले जनाएको छ ।

लागु औषधको कारोबारमा संलग्न ब्यक्तिहरुले लामो समयदेखी ओसार पसार देखी बिक्रि वितरण गरेको खुलेको छ । उनीहरुले लागुऔषधबाट आर्जित रकमले तानसेन बुटवलका सहरमा घरघडेरी जोडेका कारण सम्पत्ती शुद्धिकरणको समेत मुद्धा चल्ने प्रहरी श्रोतले बताएको छ ।