खोज

बुटवल, १ पुस ।

बुटवलमा जारी अन्तर विद्यालय छात्रछात्रा कबड्डी प्रतियोगिताको छात्र÷छात्रा दुबै उपाधि न्यू होराईजनले चुमेको छ ।

बुटवल नगर खेलकुद विकास समितिको आयोजनामा मंगलबार भएको छात्रतर्फको फाईनलमा दीप बोर्डिङ स्कुललाई पराजित गर्दै उपाधि चुमेको हो । यसैगरि छात्रातर्फ कालिका मानव ज्ञान माबिलाई पराजित गरेको हो ।

न्यू होराईजनले दुबै उपाधिसहित नगद ४० हजार रुपैया, कप, मेडल, प्रमाणपत्रबाट पुरस्कृत भएको छ । प्रतियोगितामा उपविजेता छात्र टिम दीप बोर्डिङ स्कुल र छात्रा टिम कालिका मानव ज्ञानमाबि भने १०÷१० हजार रुपैया, कप, मेडल, प्रमाणपत्रमा चित्त बुझायो । प्रतियोगितामा छात्रमा नबिन माबि, गार्गी एकेडेमी तथा छात्रातर्फ ईडन र अक्सर्फोड स्कुल तृतिय स्थान हासिल हुदै नगद ५÷५ हजार रुपैया, कप, मेडलबाट पुरस्कृत भयो ।

प्रतियोगितामा छात्रातर्फ न्यू होराईजनकी कृटिना श्रेष्ठ उत्कृष्ट रेडर, न्यू होराईजनकै सन्ध्या कार्की उत्कृष्ट डिफेन्डर तथा छात्रतर्फ न्यू होराईजनका दुर्गा बहादुर राना उत्कृष्ट रेडर र डिफेन्डर बिमर्श भण्डारी बन्दै पुरस्कृत भए ।

एक समारोहका बिच विजेता, उपविजेता तथा उत्कृष्ट खेलाडीहरुलाई नगर खेलकुद विकास समितिका संयोजक बोनिन पिया, जनप्रतिनिधि हरिप्रसाद श्रेष्ठ, खेल संयोजक शेरजंङ गुरुङले पुरस्कार वितरण गरेका छन ।