खोज

मुलुकको दोस्रो ठुलो दल नेकपा एमालेको ११ औँ महाधिवेशन शनिवारदेखि सुरु भएको छ ।

महाधिवेशनले नयाँ नेतृत्व चयन गर्ने छ । पार्टी अध्यक्ष केपी शर्मा ओली र वरिष्ठ उपाध्यक्ष ईश्वर पोखरेलबिच अध्यक्षका लागि तीव्र प्रतिस्पर्धा हुने महाधिवेशन प्रतिनिधिहरू बताउँछन  ।

जेहोस चितवनको सौराहामा २०७८ सालमा भएको १० औँ महाधिवेशनपछि हुन लागेको यो महाधिवेशनप्रति आम देशवासीको चासो र चिन्ता छ । त्यो यसकारण पनि कि एमाले मुलुकको दोस्रो ठुलो राजनीतिक दल हो ।

जेनजी आन्दोलनपछि नयाँ राजनीतिक परिस्थिति निर्माण भएको सन्दर्भमा पार्टीले लिने आगामी नीतिप्रति आम चासो छ । खासगरी नेकपा एमालेका हजारौं कार्यकर्ता महाधिवेशनप्रति उत्साहित भैरहँदा उत्तिकै चिन्तित पनि छन् ।

महाधिवेशनले सर्वसम्मत नेतृत्व चयन गरोस भन्ने धेरैको चाहना छ तर शनिवार विहानसम्मको परिस्थिति हेर्दा निर्वाचनबाटै नेतृत्व चयन हुने संभावना देखिएको छ । निश्चितरूपमा यो महाधिवेशनले वर्तमान राष्ट्रिय राजनीतिमा देखिएका चुनौतीहरू, आर्थिक तथा सामाजिक समस्याका सन्दर्भमा एमालेको स्पष्ट धारणा र संगठनलाई थप मजबुत बनाउने आधार तय गर्ने अपेक्षा गरिएको छ ।

यद्यपि अध्यक्ष केपी शर्मा ओलीले आम निर्वाचनप्रति विश्वास र उत्साह नदेखाउँदा संसद पुनस्र्थापनाको मुद्दामा पार्टीको ध्यान पुगेको छ । सर्वोच्च अदालतले संसद पुनस्र्थापना नगरि सुशीला नेतृत्वको सरकारले गराउने निर्वाचनमै पार्टी अग्रसर हुनुप¥यो भने त्यो पार्टीका लागि ठुलो घाटा हुनेछ । अतः यो महाधिवेशनले त्यो दिशामा दूरगामी धारणा स्पष्ट गर्नुपर्नेछ ।

राष्ट्रिय राजनीतिमा चुनौतिका पहाड छिचोल्दै अघि बढ्नुपर्ने बर्तमान सन्दर्भमा महाधिवेशनले पार्टी र देशको वर्तमान राजनीतिक घटनाक्रमका सन्दर्भमा नयाँ सन्देश दिन सक्नुपर्दछ । यो महाधिवेशनले आगामी दिनमा एमालेको आन्तरिक संरचना र राष्ट्रिय राजनीतिको दिशा निर्धारणमा महत्वपूर्ण प्रभाव पार्ने छ ।

देशमा जेनजी आन्दोलनपछि उत्पन्न राजनीतिक संक्रमणको निकास संविधानसम्मत र लोकतान्त्रिक विधिबाटै हुनुपर्ने माग गर्दै आएको नेकपा एमालेले यो महाधिवेशनबाट लिने राजनीतिक दिशाप्रति देशकै चासो छ ।

चुनावको दिन नजिक आउँदै गर्दा एमाले चुनावप्रति भन्दा संसद पुनस्र्थापनाको मागप्रति बढि उत्सुक भैरहेको सन्दर्भमा महाधिवेशनले लिने नीतिबाट मुलुकको राष्ट्रिय राजनीति समेत प्रभावित हुने स्पष्ट छ ।

अतः महाधिवेशनले पार्टीको भविष्यमात्रै होइन, यो देशलाई सही निकास दिन आवश्यक पर्ने सुझबुझपूर्ण नीति लिन सकोस् भन्ने आम नेपालीको अपेक्षा छ । महाधिवेशनले मदन भण्डारीको जनताको बहुदलीय जनबादकै नीति पारित गर्ने कुरामा सन्देह छैन ।

महाधिवेशनले सही नीति र सही नेतृत्व चयन गर्न सक्नुपर्दछ । सवैको नजर पार्टी अध्यक्षमा परेको छ । केपी शर्मा ओलीले एकपटक अध्यक्ष पद सर्वसम्मत दिन आग्रह गरेका छन । उता अर्का प्रत्यासी ईश्वर पोखरेलले देशले नयाँ राजनीतिक कोर्स गरिरहँदा पुरानो नेतृत्व विस्थापन हुनुपर्ने माग अघि बढाएका छन । जेहोस दुई पक्षबीच कडा टक्कर हुँदैछ ।

एमालेभित्रको एउटा समूहले बदलिँदो राजनीतिक परिस्थितिमा नेतृत्व बदलिनुपर्ने धारणा राखेको छ । अर्काे समूह भने मुलुक गंभीर राजनीतिक मोडमा पुगेकोले केपी शर्मा ओलीलाई नै नेतृत्व दिनुपर्ने अडानमा छ ।

जेहोस नेतृत्व बदलिन्छ वा दोहोरिन्छ भन्ने कुरा महाधिवेशनका प्रतिनिधिले निर्णय गर्नेछन् । तर, भदौ २३ र २४ को जेन–जी आन्दोलनले दिएको दिशालाई आत्मसाथ गर्ने हो भने एमालेमा युवापंक्तिको बर्चस्व हुनुपर्दछ भन्ने कुरामा दुईमत छैन ।

जेहोस महाधिबेशन सुरु भैसकेकोले एमाले नेतृत्वले जनताको बहुदलीय जनवादको मर्म अनुरूपको नयाँ नीति र नयाँ नेतृत्व चयन गरोस भन्ने आम अपेक्षा छ । यो महाधिवेशनले नेतृत्वमा पुस्तान्तरणको अपेक्षा पनि गरेको बिर्सन सकिदैन ।

एमालेभित्रका युवापंक्तिले ४० प्रतिशत बढी प्रतिनिधित्वको माग पनि गरेका छन । महाधिवेशनले युवाहरूको मागलाई सम्बोधन कसरी गर्छ त्यसबाट पनि पार्टीको आगामी यात्रा सुनिश्चित हुने छ ।

निश्चित रूपमा पार्टीले लिने नीतिले देशको राजनीतिलाई दिशानिर्देश गर्ने भएकोले यो महाधिवेशनले सही नीति अंगीकार गरोस् । सही नेतृत्व चयन गरोस् । हार्दिक शुभकामना ।