© २०२३
२७ मंसिर २०८२, शनिबार
२७ मंसिर २०८२, शनिबार
काठमान्डौ, २७ मंसिर ।
स्टार फुटबलर अर्जेन्टिनाका लियोनल मेसी शनिबार बिहान भारतको कोलकातामा पुगेका छन् । उनीसँगै पूर्व अन्तर्राष्ट्रिय फुटबलर लुइस सुआरेज र रोड्रिगो डी पाल पनि आएका छन् । मेसी जीओएटी इन्डिया टुर–२०२५ अन्तर्गत भारत भ्रमणमा रहेका हुन् ।
कोलकाता एयरपोर्टमा मेसीको स्वागतका लागि हजारौं फ्यान बिहानैदेखि उपस्थित थिए । पीटीआईका अनुसार, मेसी सवार विमान शनिबार बिहान भारतीय समयअनुसार २स्२६ बजे कोलकातामा अवतरण गरेको थियो ।
३ दिनसम्म भारतमा बस्ने मेसी यस अवधिमा चार शहरको भ्रमणमा रहनेछन् । भ्रमण क्रममा उनले हैदरावादमा मैत्रीपूर्ण फुटबल खेल्ने र सांस्कृतिक कार्यक्रममा सहभागी हुने कार्यक्रम रहेको दैनिक भाष्करले जनाएको छ ।
अन्तर्राष्ट्रिय फुटबलका महान् खेलाडी मेसीले भारत भ्रमणमा बलिउड अभिनेता शाहरुख खान, पश्चिम बंगालकी मुख्यमन्त्री ममता बनर्जी, पूर्व क्रिकेटर सचिन तेन्दुलकर र सौरभ गांगुलीसँग भेट्ने कार्यक्रम तय गरेका छन् । साथै, १५ डिसेम्बरमा उनी प्रधानमन्त्री नरेन्द्र मोदीसँग भेट गर्नेछन् ।
यो भ्रमणसँगै मेसी १४ वर्षपछि भारत फर्किएका हुन् र जीओएटी इन्डिया टुर–२०२५ उनको भारत भ्रमणको मुख्य आकर्षण बनेको छ ।
© २०२३
सर्वाधिकार सुरक्षित
Design & Developed By:
