बुटवल।
एनएमबि बैंकले बुटवल कालिका क्याम्पसलाइ आर्थिक सहयोग गरेको छ। क्याम्पसको लाइब्रेरीमा पुस्तक खरिदको लागि बैंकले एक लाख ५० हजार आर्थिक सहयोग गरेको हो।
क्याम्पसको १२ औं वार्षिकोत्सव तथा अभिभावक दिवसको अवसरमा सहयोग प्रदान गरेको हो। क्याम्पसमा अध्यनरत करिव ४ हजार विद्यार्थी लाभान्वित हुने बैंकले विस्वास लिएकोछ। एनएमबी बैंकको लुम्बिनी/कर्णाली प्रदेश प्रमुख मेघराज तिम्सिनाले शिक्षाले विद्यार्थी/ युवा सशक्तिकरण एवं समुदाय विकासलाई महत्त्वपूर्ण भुमिका खेल्ने हुदा पुस्तकालयलाइ सहयोग गरिएको उल्लेख्य गरे। उनले एनएमबि बैंकले स्वास्थ, शिक्षा लगायत विभिन्न क्षेत्रहरुमा विगत देखि सहयोग गर्दै आएको र भविस्यमा पनि निरन्तरता हुने प्रतिबद्धता व्यक्त गरे।
एनएमबी बैंकको शैक्षिक स्रोतसाधन विस्तार तथा गुणस्तर सुधारको लागि एक लाख पचास हजार रुपैयाँ सहयोग ग्रहण गर्दै स्कुलका अध्यक्ष अध्यक्ष होम बहादुर गलामी, क्याम्पस प्रमुख घनश्याम पाठकले हार्दिक आभार व्यक्त गरेका थिए । उनीहरुले एनएमबि बैंकको सहयोगले क्याम्पसको शैक्षिक गुणस्तर विकासमा टेवा पुग्ने बताए।
सो समारोहमा नृत्य-गीत, नाटक, मोनोएक्ट, तथा विभिन्न प्रतिभा प्रदर्शन समावेश गरिएका थिए। शैक्षिक सत्र २०८० मा उत्कृष्ट प्राप्तांक ल्याउने तथा विभिन्न विषयगत प्रतियोगितामा उत्कृष्ट विद्यार्थीहरूलाई पुरस्कार तथा प्रमाणपत्रबाट सम्मानित गरिएको थियो।
लुम्बिनी प्रदेश सरकारका सामाजिक विकास मन्त्री जन्मजय तिम्ल्सिनाको प्रमुख आतिथ्यतामा सम्पन्न कार्यक्रममा एनएमबि बैंकका शाखा प्रबन्धकहरु नविन अर्याल, भुवन पाण्डे, क्याम्पसका प्राध्यापकहरु, स्कुलका शिक्षक, अभिभावक, विद्यार्थीहरुको उपस्थिति रहेको थियो।
१४ माघ २०८२, बुधबार
