खोज

बुटवल, २४ मंसिर ।

लुम्बिनी प्रदेशलाई शिक्षाको हबका रुपमा पहिचान बनाउन सबै सरोकारवालाहरुको समन्वय जरुरी रहने सामाजिक विकास मन्त्री जन्मजय तिमिल्सिनाले दाबी गरेका छन् ।

बुटवल कालिका कलेजको १२ औ वार्षिकोत्सव अवसरमा सप्ताहब्यापी कार्यक्रमको समापन कार्यक्रममा बुधबार सम्बोधन गर्दै उनले बुटवल कालिका कलेजमा विद्यार्थी, अभिभावक र ब्यवस्थापन समितिको समन्वयको नमुनालाई अन्य शिक्षालयहरुबाट पनि अग्रसर गर्न जरुरी रहेको उनको भनाई छ ।

नकारात्मक मानसिकता त्यागेर सकारात्मक सोचका साथ समायानुकुल आफैलाई रुपान्तरण गर्नुपर्ने बताए । मन्त्री तिमिल्सिनाले प्रदेशको मन्त्रालय भित्र पनि समन्वय अभाव औल्याउदै शिक्षामा रहेको विसंगति र बिकृति चिर्ने गरि आफु अग्रसर रहेको दाबी गरे । विद्यालयको गुणस्तर र रोजगारसहितको शिक्षा आजको आवश्यकता भएको भन्दै उनले यो सम्बोधन हुने गरि शिक्षण संस्थाहरु लाग्न सुझाव दिए ।

यसैबिच कार्यक्रममा कलेजका प्राचार्य घनश्याम पाठकलाई कालिका रत्नबाट सम्मानित गरिएको छ । यसैगरि भुपाल कुमार श्रेष्ठद्धारा स्थापित गरिब तथा जेहेन्दार अक्षयकोषबाट बिबिएस प्रथम वर्षका छात्र हुकुम प्रसाद डागी र बिएड तेस्रो वर्षका छात्रा शुशिला नेपालीलाई वितरण गरिएको छ ।

यसैगरी क्याम्पसको विकासमा योगदान दिएका दुई जना शिक्षक कर्मचारीलाई समेत सम्मान गरिएको छ । वर्ष शिक्षक आरएमसी संयोजक कृष्ण पोख्रेल र वर्ष कर्मचारीका रुपमा परिक्षा सहायक मीन बहादुर बगालेलाई नगदसहित सम्मान गरिएको हो । कार्यक्रममा सप्ताहब्यापी रुपमा सम्पन्न प्रतियोगिताहरुको विजेताहरुलाई पुरस्कार वितरण गरिएको क्याम्पसका ईसिए शिक्षक रेश्मीराज शर्माले बताए ।