© २०२३
२३ मंसिर २०८२, मंगलवार
२३ मंसिर २०८२, मंगलवार
बुटवल ।
एनसेल आजियाटा लिमिटेडले आफ्नै सेवाग्राहीको नाममा जारी भएको इ–सिम दुरुपयोग भई कनेक्ट आईपीएसमार्फत बैंक खाताबाट अनधिकृत रूपमा रकम ट्रान्सफर भएको घटनाप्रति गम्भीर ध्यानाकर्षण भएको जनाएको छ।
कम्पनीले सेवाग्राहीको आधिकारिक कागजातहरूको प्रमाणीकरण तथा आवश्यक प्रक्रिया पूरा गरेपछि मात्र सो इ–सिम प्रदान गरिएको स्पष्ट गर्दै उक्त घटनामा आफूहरूको कुनै लापरवाही नभएको प्रस्ट पारेको छ।
एनसेलका अनुसार दुरुपयोग कसरी भयो, कसले गर्यो र कसरी पहुँच प्राप्त गरियो भन्ने विषयमा इलाका प्रहरी कार्यालय बुटवलले अनुसन्धान तीव्र रूपमा अगाडि बढाइरहेको छ। कम्पनीले अनुसन्धानका क्रममा प्रहरी प्रशासनलाई आवश्यक सबै सहयोग उपलब्ध गराइरहेको जनाएको छ।
यस घटनालाई गम्भीर रूपमा लिँदै कम्पनीले सेवाग्राहीको सुरक्षालाई सर्वोच्च प्राथमिकतामा राखिएको उल्लेख गरेको छ। साथै, यस्ता घटना रोकथामका लागि आन्तरिक सुरक्षात्मक प्रक्रिया तथा सेवासमीक्षालाई अझ कडा पार्ने काम निरन्तर जारी रहेको जनाएको छ।
एनसेलले सेवाग्राहीहरूको डिजिटल सुरक्षाका लागि कम्पनी सधैँ प्रतिबद्ध रहने प्रतिवद्धता व्यक्त गरेको छ।
© २०२३
सर्वाधिकार सुरक्षित
Design & Developed By:
