© २०२३
२१ मंसिर २०८२, आइतबार
२१ मंसिर २०८२, आइतबार
काठमान्डौ, २१ मंसिर ।
जेनजी आन्दोलनका अभियन्ता मिराज ढुङ्गानाले प्रधानमन्त्री सुशीला कार्कीलाई आन्दोलनको सम्मान गर्न आग्रह गरेका छन् । जेनजी अभियन्ता प्रकाश शर्माको रिहाइको माग गर्दै काठमाडौं जिल्ला प्रहरी परिसर पुगेका ढुङ्गानाले सरकारले आन्दोलनप्रति बेवास्ता देखाएको आरोप लगाए ।
ढुङ्गानाले निर्वाचनपछिको सरकारले देश विकासका लागि ठोस काम गर्ने अपेक्षा आफूहरूले नगरेको स्पष्ट गर्दै, पुराना दलका नेताहरू पुनः सत्तामा फर्कने सम्भावनाले युवाहरूमा गहिरो चिन्ता बढाएको बताए । उनले अन्तरिम सरकार ‘हाइज्याक’ भएको दाबी गर्दै प्रधानमन्त्री कार्कीले नैतिक जिम्मेवारीस्वरूप राजीनामा दिनुपर्ने माग पनि गरे ।
उनका अनुसार भदौ २३ गतेको आन्दोलनमा भएको घटनाको छानबिन नगरी, त्यसको भोलिपल्ट अर्थात् २४ गतेको प्रदर्शनमा सहभागी भएका युवालाई मात्र प्रहरीले पक्राउ गरेको छ । उनले यसलाई अन्यायपूर्ण व्यवहार भन्दै आपत्ति जनाए ।
ढुङ्गानाले जेनजी युवाहरूका माग सुनुवाइ नहुने, विरोध प्रदर्शन गर्ने अधिकारमाथि अंकुश लगाइने र राजनीतिक निष्क्रियता जारी रहँदा आन्दोलन अझ बलियो हुने चेतावनी समेत दिए ।
© २०२३
सर्वाधिकार सुरक्षित
Design & Developed By:
