खोज

बुटवल, २१ मङ्सिर ।

बुटवल कालिका कलेजको १२ औ वार्षिकोत्सव अवसरमा सप्ताहव्यापी कार्यक्रम आइतबार  छात्रछात्रा डोरी तान तथा शिक्षकहरू बिच क्रिकेट प्रतियोगिता सम्पन्न भएको छ ।

प्रतियोगिताको छात्रतर्फ बिबिएस प्रथम वर्षको समूहले उपाधि चुमेको छ । यसै गरी बिबिएस प्रथम वर्षको समूह दोस्रो तथा बिसिए सातौ सेमीस्टारको समूह तेस्रो भए । यता छात्रातर्फ बिबिएस दोस्रो वर्षका समूह प्रथम, बिबिएस तेस्रो वर्षको समूह दोस्रो तथा बिएड प्रथम वर्षको समूह तेस्रो भएको छ ।

यसैबिच क्रिकेट खेललाई प्रवर्द्धन गर्ने उद्देश्यका साथ बुटवल कालिका कलेजका टिचर्स स्टाफ र ननटिचर स्टाफका बिचमा मैत्रीपूर्ण क्रिकेट प्रतियोगिता आयोजना गरिएको छ ।

एक्स्ट्रा टेक ओभेल क्रिकेट मैदानमा आइतबार भएको प्रतियोगिताको उपाधि टिचर्स स्टाफ टिम ४७ रनले विजयी भएका छन् ।

टस जितेर ननटिचर स्टाफ समूहले फिल्डिङ रोजेपछि ब्याटिङमा उत्रेको टिचर स्टाफले निर्धारित १६ ओभरको खेलमा ५ विकेटको नोक्सनीमा ९९ रन बनाए । टिचरका विष्णु न्यौपानेले ५० रन तथा निर्मल अर्यालले १२ रनको योगदान दिए ।

मध्यम लक्ष्य पछ्याएको ननटिचरको समूह ११ ओभरमा केवल ५२ रनमा समेटियो । कम स्कोरमा रोक्न टिचरका प्रभात पौडेलले ४ बिकेट लिए । ननटिचर्सका रामचरित्र चौधरीले ३० रन बनाउनुका साथै २ विकेट लिए भने सुर्य दलार्मीले १४ रन बनाए ।

समुदायप्रति योगदानमा आधारित विशेष सरसफाई कार्यक्रम सोमबार आयोजना गरिने कलेजका ईसिए शिक्षक रेश्मीराज शर्माले बताए । कालिका कलेजले मङ्सिर २४ गते वार्षिकोत्सवको औपचारिक समापन कार्यक्रम हुने छ ।

२०७० सालमा कालिका माविको भवनबाट स्नातक कक्षा शुरू गरेको कालिका सामुदायिक क्याम्पसमा हाल बिबिएस, बिसिए, बिए, बिएड र स्नातकोत्तरमा एमए आरडी विषयमा ४ हजार विद्यार्थीले अध्ययनरत छन् ।