खोज

 काठमाडौं, १२ मंसिर ।

नेपाल प्रहरीमा सात प्रहरी बरिष्ठ उपरीक्षक (एसएसपी)को दरबन्दी रिक्त भएको छ । केही समयअघि कर्णाली प्रदेश प्रहरी कार्यालयमा कार्यरत एसएसपी प्रकाश रानाभाटले दिएको राजीनामा स्वीकृत भएपछि रिक्त एसएसपीको संख्या सात पुगेको हो ।

रिक्त एआईजी र डीआईजीमा बढुवा गरेसँगै अब एसएसपी बढुवाको तयारी सुरु गरिएको छ । प्राविधिकतर्फका दुई एसएसपीको दरबन्दी समेत जनपदतर्फ मिलान गरेर बढुवा गर्ने तयारी भइरहेको छ ।

यसका लागि संगठन व्यवस्थापन तथा सर्वेक्षण (ओएण्डएम) गर्न मन्त्री परिषद्ले स्वीकृति दिएको छ । दरबन्दी मिलान गरेपछि मन्त्रीपरिषद्मा पठाउने बाटो प्रहरी हेडक्वाटरले पाएको छ ।

दरबन्दी मिलान भएपछि बढुवा प्रक्रिया अघि बढाइएको प्रहरी प्रधान कार्यालयको मानव स्रोत तथा प्रशासन विभागले जनाएको छ । यसअघि सशस्त्र प्रहरीले पनि दरबन्दी मिलान गर्दै तीन डीआईजी र एक एसएसपीको दरबन्दी थप गरेको थियो ।

रिक्त एसएसपी बढुवाका लागि करिब दुई दर्जन एसएसपीहरू प्रतिस्पर्धामा छन् ।

बढुवाका लागि प्रमुख उम्मेदवारमा भुवनेश्वर तिवारी, ऋषिराम कँडेल, सुरेन्द्र प्रसाद काफ्ले, अमरेन्द्र बहादुर सिंह, श्याम सिंह चौधरी, नकुल पोख्रेल, पदमबहादुर बिष्ट रहेका छन् ।

त्यस्तै वासुदेव खतिवडा, प्रजित केसी, योगेन्द्र सिंह थापा, महेन्द्र कुमार श्रेष्ठ, दिलिप घिमिरे, वीरेन्द्रबहादुर शाही, राजकुमार सिलवाल, सुवास चन्द्र बोहरा, जनकबहादुर शाही, रामेश्वर कार्की, चक्रराज जोशी, अर्जुन प्रसाल तिमिल्सिना र रमेश पण्डित पनि बढुवाका लागि प्रतिस्पर्धामा रहेका छन् ।