दाङ,१० दाङ।
दाङमा दुईवटा टिप्पर एक आपसमा ठोक्कीदा दुई जना घाइते भएका छन् । जिल्ला प्रहरी कार्यालय दाङका अनुसार दाङको बंगलाचुली गाँउपालिका–३ मेरडाँडा थालखानीमा आज दिउँसो करिब साढे ३ बजेतिर दुई ओटा टिप्पर एक आपसमा ठोक्कीएर दुर्घटना भएको हो ।
थाराबाट चुनढुङ्गा लोड गरि घोराही तर्फ आउँदै गरेको लुम्बिनी प्रदेश ०२००१ ख ०२२८ नम्बरको टिप्पर र विपरीत दिशाबाट जाँदै गरेको रा १ ख ७९ नम्बरको टिप्पर दुर्घटना भएको जिल्ला प्रहरी कार्यालय दाङका प्रहरी नायव उपरीक्षक एंव प्रहरी प्रवक्ता चक्रबहादुर शाहले जानकारी दिए ।
प्रबक्ता शाहका अनुसार लुम्बिनी प्रदेश ०२००१ ख ०२२८ नम्बरको टिप्पर चालक प्युठानको माण्डवि गाउँपालिका–२ का २५ वर्षका विकास पुन मगर र रा १ ख ७९ नम्बरको टिप्पर चालक सरुमारानी गाँउपालिका–३ का ३६ वर्षका प्रेमबहादुर बराल घाइते भएका छन् ।
पुन मगरको दुबै हात खुट्टामा चोट लागेको छ । घाइते चालकको राप्ती स्वास्थ्य विज्ञान प्रतिष्ठानमा उपचार भइरहेको प्रहरीले जनाएको छ । चुनढुङ्गा बोकेको लुम्बिनी प्रदेश ०२००१ ख ०२२८ नम्बरको टिप्पर सडकबाट करिब १० मिटर तल खसेको छ । घटना बारे थप अनुसन्धान भइरहेको प्रहरीले जनाएको छ ।।
२० मंसिर २०८२, शनिबार
