Butwal Today

महेश बस्नेतविरुद्ध धनगढीमा जेनजी युवाहरूको विरोध प्रदर्शन

बुटवल टुडे
१० मंसिर २०८२, बुधबार
अ
अ+
अ-

काठमान्डौ, १० मंसिर ।

नेकपा एमालेका पोलिट्ब्युरो सदस्य महेश बस्नेतविरुद्ध कैलालीको धनगढीमा जेनजी युवाहरूले विरोध प्रदर्शन गरेका छन् । बुधबार बिहान धनगढी बजारमा युवाहरूले प्लाकार्डसहित विरोध प्रदर्शन गरेका थिए ।

जेनजी आन्दोलनले २३ र २४ मंसिरमा एमाले नेतृत्वको सरकार विस्थापित गरेयता बस्नेत युवा पुस्ताप्रति आक्रामक व्यवहार देखाउने गरेका छन् । यसबाहेक, जेनजी युवाहरूले बस्नेतको विरोधमा निरन्तर प्रदर्शन गर्दै आएका छन् ।

गत ४ मंसिरमा बाराको परवानीपुरमा आयोजित कार्यक्रममा बस्नेत सहभागी हुन आउँदै गर्दा जेनजी युवाहरूले विरोध प्रदर्शन गरेका थिए । त्यसका कारण दुई दिनसम्म बाराको सिमरा क्षेत्र अशान्त रह्यो ।

७ मंसिरमा इटहरीमा आयोजित कार्यक्रममा जान लागेको बस्नेतको गाडीमा दुई जेनजी युवाले रातो रङ्गले भरिएको बेलुन प्रहार गरेका थिए ।

त्यसैगरी, मंगलबार सुर्खेतमा पनि केही युवाले बस्नेत सहभागी कार्यक्रममा विरोध प्रदर्शन गरेका थिए ।

सम्बन्धित खबर

सुदूरपश्चिममा ४८१ मतदान स्थल अति संवेदनशील

हिउँदे वर्षाले किसान खुसी 

रसुवाको उत्तरी भेगमा हिमपात

काङ्ग्रेसद्वारा विभिन्न समिति बनाउन पार्टीका सबै तहलाई निर्देशन

राष्ट्रियसभा: शून्य समयमा समसामयिक विषयमा सरकारको ध्यानाकर्षण

इन्डोनेसियामा पहिरोका कारण मृत्यु हुनेको सङ्ख्या ३४ पुग्यो, दर्जनौँ अझै बेपत्ता

चितवनमा तीन हजार निर्वाचन प्रहरी खटिने

चार सय बढीमा क्षयरोगको सङ्क्रमण