© २०२३
१९ मंसिर २०८२, शुक्रबार
१९ मंसिर २०८२, शुक्रबार
काठमान्डौ, ६ मंसिर ।
जेनजीले उठाएका माग र मुद्दा पूर्णतः जायज रहेको बताउँदै नेपाल कम्युनिस्ट पार्टी (नेकपा) का संयोजक पुष्पकमल दाहाल ‘प्रचण्ड’ले आफूले पनि लामो समयदेखि ती मुद्दाहरूलाई निरन्तर उठाउँदै आएको बताएका छन् ।
पेरिसडाँडामा शनिबार आयोजित ‘जेनजीसँग नेकपा’ शीर्षकको कार्यक्रममा जेनजी युवालाई पार्टी प्रवेश गराउँदै अध्यक्ष प्रचण्डले राष्ट्रिय एकता र समृद्धिको यात्रालाई सफल बनाउन जेनजी पुस्ताको अग्रसरता आजको आवश्यकता भएको बताए ।
उनले जनसमुदायले भोगिरहेका अनेक समस्यालाई समाधान गर्न सरकार र सडक—दुवै माध्यमबाट प्रयास भए पनि पर्याप्त सुनुवाइ नभएकै कारण युवाहरू सडकमा आउन बाध्य भएको टिप्पणी गरे । “युवाहरू सडकमा उत्रिएपछि मात्र सबैले सुन्न बाध्य भए,” प्रचण्डले भने ।
जेनजीका मुद्दा र नेकपाका एजेन्डा मिल्ने भएकाले संयुक्त रूपमा काम गर्न सकिने उल्लेख गर्दै उनले सहकार्यका लागि युवापुस्तालाई आह्वान गरे । नेकपासँग जोडिन आएका जेनजी युवाप्रति आभार व्यक्त गर्दै प्रचण्डले भने, “जेनजी पुस्तासँगको यो एकता र सहकार्यले देशभर ठूलो सन्देश जाने विश्वास लिएको छु ।”
© २०२३
सर्वाधिकार सुरक्षित
Design & Developed By:
