कतार, ६ मङ्सिर ।
कतारमा स्थापित कोशी प्रदेश समन्वय परिषद् कतारले ” चौथो” अधिवेशन गर्ने भएको छ ।
कोशी प्रदेश समन्वय परिषद् कतार र प्रदेश मातहतका विभिन्न जिल्ला संस्थाहरूको संयुक्त आयोजनामा “चौथो अधिवेशन तथा आठौँ स्थापना दिवस” आगामी २८ नोभेम्बर २०२५ का दिन भव्य रूपमा सम्पन्न गर्न लागेको हो ।
परिषद्का अध्यक्ष पदम कुमार घिमिरेले प्रवासमा रहेका नेपाली बिच सामाजिक एकता र कोसी प्रदेशका प्रवासी श्रमिकहरूलाई आई परेका विभिन्न समस्याहरूलाई समन्वय गर्दै आइरहेको प्रदेशको अधिवेशनको तयारीमा जुटेको जानकारी दिए ।
उनले अधिवेशनलाई सफल बनाउन प्रदेश मातहतमा रहेका जिल्ला संस्थाहरू सगं थप समन्वय गरेर नयाँ नेतृत्व चयनको लागि व्यापक छलफल भइरहेको बताए । कतारमा स्थापित विभिन्न संघ,संस्था सगं समन्वय गरेर कतारमा रहेका नेपालीहरूको हक हित र संरक्षणमा महत्त्वपूर्ण भूमिका खेल्ने सक्ने नयाँ नेतृत्व चयन गरेर कार्यकाल हस्तान्तरण गर्ने आफ्नो इच्छा रहेको उनी बताउँछन् ।
अधिवेशनलाई सफल बनाउन आवश्यक तयारी पूरा भइराखेको र उत्साहपूर्ण बनाउने लक्ष्य कोशी प्रदेश समन्वय परिषद् कतारले राखेको छ ।अधिवेशनमा कतारमा रहेका नेपाली समुदायका प्रतिनिधि विभिन्न प्रदेशका पदाधिकारी,सामाजिक अभियन्ताहरू कलाकार तथा पत्रकारहरू कार्यक्रममा उपस्थित भएर भव्य रूपमा सम्पन्न गरिदिन प्रदेश समन्वय परिषद्ले अनुरोध समेत गरेको छ । कतारको सनैयामा अवस्थित फुलवारि रेस्टुरेन्टमा सम्पन्न हुने अधिवेशनको बिहान ११ बजे देखि कार्यक्रम सुचारु हुने कार्य तालिका रहेको छ ।
१९ मंसिर २०८२, शुक्रबार
