कतार, २ मङ्सिर ।
कतारमा स्थापित विभिन्न सामाजिक संघ, संस्थाहरूले निरन्तर रूपमा”मानवीय सेवा र सामाजिक उत्तरदायित्वलाई प्राथमिकता दिँदै रक्तदान कार्यक्रमको आयोजना गर्दै आइरहेका छन् । आगामी शुक्रवार कतार देखि गृह जिल्ला सम्म सामाजिक क्षेत्रमा सक्रिय रहेको बागलुङ सेवा समाज कतार र समाजको संरक्षकत्वमा स्थापित बागलुङ सेवा समाज बहुउद्देश्यीय अक्षयकोषको संयुक्त आयोजनामा “बृहत् रक्तदान” कार्यक्रम हुने भएको छ ।
“रक्तदान, जीवनदान” भन्ने मूल मन्त्रसहित नेपाली रक्तदाता संघ,कतारको समन्वयमा “रक्तदान हुन लागेको समाजका अध्यक्ष निराजन गौतमले जानकारी दिए । गौतमले “रक्तदान केवल परोपकार मात्र होइन, जीवन बचाउने महान् कार्य हो उनले थपे । कतारमा रहेका नेपालीहरूबिच सामाजिक सद्भावका लागी यो अभियान अत्यन्तै महत्त्वपूर्ण हुने र यसका लागी कतारमा स्थापित विभिन्न संघ,संस्था,बुद्धिजीवी तथा समाजसेवीहरूको उत्साहजनक सहभागिता सहित रक्तदान गरिदिन आग्रह समेत गरेका छन् ।
रक्तदाता संघका अध्यक्ष रामजी खत्रीले कतारमा रहेका नेपालीहरूको एकता, सामाजिक जागरूकता तथा मानव सेवाप्रतिको प्रतिबद्धतालाई प्रतिबिम्बित गर्ने अपेक्षा गरिएको उनी बताउँछन् । आयोजकका अनुसार शुक्रवार अलसाद स्थित हमद हस्पिटलको कतार नेशनल ब्लड डोनेसन सेन्टरमा बिहान ८ बजे देखी मध्यान्ह १२ बजे सम्म रक्तदान सञ्चालन हुने कार्य तालिका सहित सहजताका लागि आवश्यक सबै तयारी पूरा गरिरहेको जानकारी दिएको छ ।
१९ मंसिर २०८२, शुक्रबार
