© २०२३
१९ मंसिर २०८२, शुक्रबार
१९ मंसिर २०८२, शुक्रबार
काठमाडौँ ।
प्रधानमन्त्री सुशीला कार्कीविरुद्ध अदालतमा अवहेलनासम्बन्धी रिट दर्ता भएको छ । राजदूत फिर्ता बोलाउने निर्णय पालना नगरेको भन्दै अधिवक्ता प्रेम सिलवालले अवहेलनाको मुद्दा दायर गरेका हुन् ।
सरकारले असोज ३० गते चीन, जर्मनी, इजरायल, मलेशिया, कतार, रुस, साउदी अरब, स्पेन, अमेरिका, बेलायत र जापानका राजदूतलाई फिर्ता बोलाएको थियो ।
राजदूत फिर्ता बोलाउने निर्णयविरुद्ध परेको रिटमा सुनुवाइ गर्दै सर्वोच्च अदालतले निर्णय कार्यान्वयन नगर्न गएको कात्तिक १६ गते अन्तरिम आदेश जारी गरेको थियो । तर त्यसको भोलिपल्ट प्रधानमन्त्री कार्कीले परराष्ट्र मन्त्रालयमा हाजिर गर्ने गरी राजदूत फिर्ता बोलाएपछि अदालतको आदेशको अवहेलना भएको भन्दै अधिवक्ता सिलवालले रिट दायर गरेका हुन् ।
त्यही मुद्दा दर्ता गर्दै सर्वोच्च अदालतले मङ्सिर ७ गतेको पेशी तोकेको छ ।
© २०२३
सर्वाधिकार सुरक्षित
Design & Developed By:
