ट्रेंडिंग:

>> देशलाई चाहिएको छ सच्चा राष्ट्रवादी तानाशाह >> राष्ट्रिय सभाको निर्वाचनमा मतपत्रको पहिलो नम्बरमा एमाले >> क्यानका निलम्बित महानिर्देशक अधिकारीको ग्याजेट अख्तियारको अनुसन्धानमा >> २६ वटा राजनीतिक दलले चुनाव नलड्ने >> पुराना सातवटा ग्रिड सबस्टेसन स्वचालित प्रणालीमा >> राप्रपाले गर्न लागेको आन्दोलनबारे के भन्छन् प्रवक्ता शाही ? >> नागरिक समाजका अगुवाहरूद्वारा सरकारलाई कमजोर नबनाउन आग्रह >> समानुपातिकतर्फ भाग लिने दलहरूलाई निवेदन दिन आयोगकाे आह्वान >> सुनचाँदीको मूल्य घट्यो >> प्रधानमन्त्री कार्कीले बोलाएको छलफलमा कांग्रेसबाट थापा र भुसाल जाने >> कपिलवस्तु महोत्सव सुरु, भिक्षुद्वारा उद्घाटन  >> महानिर्देशक अधिकारी र पूर्वनिर्देशक भण्डारीलाई आज विशेष अदालत उपस्थित गराइँदै >> मन्त्री गुप्ता भन्छन् : नेपाल आर्थिक रुपमा कमजोर छ, भन्नेबित्तिकै सबै गर्न सकिँदैन >> उपकुलपतिका लागि २ पटक विज्ञापन गर्दा पनि निवेदन नपरेपछि मन्त्री पुन असन्तुष्टि >> अमेरिकी डलरको भाउ हालसम्मकै उच्च बिन्दुमा >> माटोको उर्वरा शक्ति बढाउन पहल गरौँ >> नयाँ क्रियाशील सदस्यता वितरणबारे भ्रातृ तथा शुभेच्छुक संगठनहरूसँग कांग्रेसले छलफल गर्दै >> प्रधानमन्त्री कार्कीको आह्वानमा बालुवाटारमा आज सर्वपक्षीय बैठक >> एनपीएलमा आज लुम्बिनी र जनकपुर भिड्दै, लुम्बिनीले जितेमा बाहिरिने छन् यी ३ टोली >> न्यायिक समितिको अधिकारक्षेत्र भित्र के के विषयवस्तु छन् ? >> जागरणमार्फत संस्कृति–सम्पदा संरक्षण  >> नारायणगढ–बुटवल सडकः चौथो पटक म्याद थपपछि धमाधम काम, असारसम्म सक्ने लक्ष्य >> लुम्बिनी सांस्कृतिक नगरपालिकाको प्रशासनिक भवनको शिलान्यास >> किसानको मिहिनेतमा व्यापारीको कमाई >> ज्याला–मजदुरीकै भरमा अपाङ्गता सन्तानको भरणपोषण >> सुदूरपश्चिम पहिलो ‘क्वालिफायर’मा, चितवन ४९ रनले पराजित >> विशेष महाधिवेशन पक्षधर नेता भन्छन्ः ‘नियमित’ स्वीकार गरेर महामन्त्रीहरूले गल्ती गरे >> राजमार्गबाट ६० क्विन्टल रासायनिक मल बरामद >> ६ हजार ८८७ नयाँ मतदाता थपिए >> सुदूरपश्चिमविरुद्ध चितवनले बलिङ गर्दै >> यस्तो बन्दैछ गुण्डुमा ओली निवास >> घोषित मितिमा चुनाव गराउन सरकार सम्पूर्ण रूपमा सक्रिय छ : प्रधानमन्त्री कार्की >> अध्यक्ष पदमा केपी ओली फाइनल भइसक्यो : विष्णु रिमाल >> एनपीएल-२ : पोखरालाई हराउँदै काठमाण्डु प्लेअफमा, साहबले ह्याट्रिकसहित लिए ६ विकेट >> बाली बिमाप्रति किसानको आकर्षण बढ्दो, ९० प्रतिशतसम्म क्षति वहन >> नेतृत्व चयनका लागि एमालेले विद्युतीय भोटिङ मेसिन प्रयोग गर्ने >> अध्यक्ष कार्की भन्छन् : सरकारले अनुमति दिए विदेशमा बिजुली बेच्न तयार छौँ >> मधेस प्रदेशमा मुख्यमन्त्रीका लागि दलहरुबिच रस्साकस्सी >> पोखरालाई काठमाडौंले दियो १६६ रनको लक्ष्य >> भारतले नेपालमा ठूला भारु नोट प्रयोगमाथिको प्रतिबन्ध हटाउँदै >> प्रधानमन्त्री कार्कीद्वारा सर्वपक्षीय बैठक आह्वान >> “फूलको माला” नयॉ रत्यौली गीत सार्वजनिक (भिडियोसहित)  >> ‘विदेशी नागरिक व्यवस्थापन सूचना प्रणाली’ सार्वजनिक गर्ने अध्यागमनको तयारी >> श्री पालु सिद्ध प्राथमिक विद्यालयमा अक्षयकोष स्थापना >> एमाले महाधिवेशन : उद्घाटन सत्रमा १० हजार स्वयंसेवक खटाइने >> आज पनि घट्यो सुनचाँदीको मूल्य >> सामाजिक सञ्जाललाई माध्यम बनाएर यौन दुर्व्यवहार बढ्दै >> महिला टी-२० विश्वकप छनोट खेल्ने प्रारम्भिक टोली घोषणा >> शेरबहादुर तामाङ केपी ओली टिमबाट उपमहासचिवमा उठ्ने >> काठमाडौंले पोखराविरुद्ध पहिले ब्याटिङ गर्दै

सपनाको सपना !

२९ कार्तिक २०८२, शनिबार
२९ कार्तिक २०८२, शनिबार

२०६६ सालमा रुपन्देही जोगीकुटीको जनज्योति माविबाट एसएलसी उत्तीर्ण गरेपछि सपना आलेको कक्षा ११/१२ पढ्ने सपना तुरुन्तै पूरा हुने सकेन ।

उनको बिहे २०६७ मा पाल्पा, माथागढी–३, भैंसीकट्टाका पूर्णबहादुर आलेसँग भयो । बिहेपछि सन्तानको खेतीतिर लागिन् र जन्माइन् छोरी । नाम राखी दिइन् शीतल ।

अहिले खहरेको सनराईज बोर्डिङ्गमा कक्षा पाँचमा पढ्दै छिन् शीतल । सन्तानको रहर पूरा गरेपछि दिव्य ज्योति मावि माथागढी–३ सराईबाट सपनाले कक्षा १२ उत्तीर्ण गरिन् ।

श्रीमान् पूर्णबहादुर आले सहारा आधारभूत विद्यालयमा स्थायी शिक्षकका रूपमा कार्यरत छन् । श्रीमान् र छोरी स्कुल जान थालेपछि सपनाले हात खाली राखेर घरमा बस्न चाहिनन् ।

खाली रहेको आफ्नै पुख्र्याैली पाँच रोपनी जग्गामा कृषि कर्म गर्ने रुचि राखिन् । तर उनीसँग कोरा शिक्षा बाहेक केही थिएन । उनले गाउँमै कालिकादेवी कृषि समूह गठन गरेर ३१ जना दिदी बहिनीहरूलाई समाहित गरिन् ।

सामाजिक स्रोत विकास केन्द्र–नेपाल पाल्पाबाट कृषि सम्बन्धी तालिम दिलाइन् । आफूले पनि लिइन् तालिम । उनीहरूलाई उक्त संस्थाबाट आर्थिक र प्राविधिक सहयोग मिल्यो ।

उनी आफूले व्यक्तिगत रूपमा समेत २५ हजार अनुदान संस्थामार्फत लिएर मल्चिङ्ग प्लास्टिक, टनेल र थोपा सिँचाइका लागि पाइप खरिद गरिन् । कृषि ज्ञान केन्द्र पाल्पा, किसान परियोजना र स्थानीय एग्रोभेटले समेत उनको कृषि कर्ममा प्राविधिक सहयोग मिलेको रहेछ ।

तालिम प्राप्त गरेपछि र आफ्नो श्रम, सीप र समय खर्चिएर सपनाले बेमौसमी तरकारी खेती गरेकी छिन् । उनले काँक्रो, खुर्सानी, करेला, सेमी, उत्पादन गरेर गत वर्ष चार लाख आम्दानी गरिन् ।

गत वर्ष ७० क्विन्टल काँक्रा, १२ क्विन्टल जति सेमी, तीन क्विन्टल खुर्सानी र दुई क्विन्टल करेला बेचेकी थिइन् । पाल्पाको नयाँ पाटी, तानसेन नै उनीहरूको बजार रहेछ । सपनाले भन्दैथिईन– गाउँमा कृषि एम्बुलेन्स भएमा हामी किसानहरूलाई उत्तम हुने थियो ।

भनेको बेला कृषि उपज बजार पुराउन नसक्दा भाउ नपाइने र कहिलेकाहीँ कुहिएर जाने भएकाले पिरलो छ । यस वर्ष पनि गत वर्षको तुलनामा बढी आम्दानी गर्ने गरी कृषिमा मिहिनेत गर्दै छु ।

सपनाले असाध्यै मिहिनेत गर्छिन् । सिँचाइका लागि पानी पोखरी तयार पारेकी छिन् । केरा, सुन्तला, कागती, फलफूल र कफी समेत लगाएकी छिन् । एक क्षण पनि कुरा काटेर वा बेफुर्सदिलो भएर बस्ने रहर उनमा छैन ।

दुई वटा माउ बङ्गुर र दुई वटा पाडा समेत पालेकी छिन् । भविष्यमा कृषिकर्मीबाटै अघि बढ्दै प्रगति र उन्नति गर्ने सपना बुनेकी सपनाको इच्छा छिट्टै पूरा होस् !

यो खबर पढेर तपाईलाई कस्तो महसुस भयो ?