खोज

बुटवल, २८ कार्तिक ।
फर्निचर व्यवसायी संघ रुपन्देहीको २६ औ साधारणसभा तथा १३ औँ अधिवेशनबाट जिवकान्त काफ्लेको अध्यक्षतामा १८ सदस्यीय कार्यसमिति सर्वसम्मत चयन भएका छन । शुक्रबार भएको अधिवेसनबाट संघको वरिष्ठ उपाध्यक्षमा नेत्र रुचाल, उपाध्यक्षमा अशोक कुँवर, महासचिवमा खिमबहादुर खड्का, कोषाध्यक्षमा काशीराम पोखरेल, तथा सचिवमा अनिरुद्ध खनाल, सह–कोषाध्यक्षमा सोनु गुप्ता निर्वाचित भएको निर्वाचन अधिकृत लोकप्रसाद खरेलले जानकारी दिए ।

यसैगरि सदस्यहरुमा प्रकाश पराजुली, हरि प्रसाद भण्डारी, सन्दिप ढुगाना, प्रेमबहादुर गौतम, देवन्द्र शर्मा, नारायण दत्त शर्मा, भोजराज पाण्डे, विनोद बि.क., रुद्रबहादुर बि.क. चयन भएका छन् । महिला सदस्यतर्फ पूजा अग्रहरी र मिना देवी भण्डारी चयन भएका हुन् ।

कार्यक्रमको उद्घाटन गर्दै बुटवल उपमहानगरपालिका प्रमुख खेलराज पाण्डेयले नगरभित्रका कानुनी रुपमा दर्ता प्रक्रियाबाट चलेका व्यवसायीहरुको हकहितमा स्थानिय सरकार सधै साथ दिने बताए । स्वदेशी उद्योग टिकाउ सकेमात्र यसबाट युवा रोजगार र आर्थिक रुपमा सबल हुन सकिने सम्भावना रहने उनले बताए ।

फर्निचर ब्यवसायमा कच्चा पदार्थको समस्या र कानुनी जटिलता हटाउन आफ्नो कार्यकालमा बढी भन्दा बढी पहल गरेको फर्निचर ब्यवसायी संघ रुपन्देहीका अध्यक्ष तेज प्रसाद पराजुलीले दाबी गरे । स्वदेशका जंगलमा काठ खेर गैरहेको बेला आफुहरुलाई विदेशबाट कच्चा पदार्थ आयात गर्नुपर्ने बाध्यता हटाउनेतर्फ सरकारको ध्यान जानुपर्ने उनको आग्रह छ ।