© २०२३
१९ मंसिर २०८२, शुक्रबार
१९ मंसिर २०८२, शुक्रबार
दाङ, २७ कार्तिक ।
नेकपा एमालेका उपमहासचिव प्रदीप ज्ञवालीले संसद् पुनर्स्थापना, संविधान संशोधन, सर्वदलीय सरकार गठन र समयभन्दा अगाडि चुनाव (अर्ली इलेक्सन) एमालेको रोडम्याप रहेको बताएका छन् ।
प्रेस चौतारी दाङले बिहीबार तुलसीपुरमा आयोजना गरेको पत्रकार सम्मेलनमा ज्ञवालीले यथास्थितिमा चुनावको कुनै औचित्य नरहेको स्पष्ट पारे । उनले भने, “संसद् पुनर्स्थापना, संविधान संशोधन र जेन–जीसहितको सर्वदलीय सरकार तथा अर्ली इलेक्सन नै हाम्रो रोडम्याप हो । यथास्थितिमा चुनाव गर्नु शाहीकालमा भएको स्थानीय सरकार जस्तो हुनेछ ।”
सरकार चुनाव गराउने दाबी गर्दै आएको भए पनि त्यसका लागि आवश्यक वातावरण निर्माणमा इच्छुक नभएको उनको भनाइ छ । प्रधानमन्त्रीको दलका नेताहरूको अनुहार हेर्न नचाहिने अभिव्यक्तिले नै सरकारले चुनाव आयोजना गर्न नचाहेको देखाएको उनको तर्क थियो ।
उपमहासचिव ज्ञवालीले वर्तमान संविधान घाइते अवस्थामा रहेको उल्लेख गर्दै, संविधानलाई नचिनेको सरकारले शासन गरेको बताए । उनले भने, “अहिले संविधान घाइते अवस्थामा छ, लोकतन्त्र खतरामा छ । संविधानले नचिनेको सरकार छ र संविधानले अस्वीकार गरेका मन्त्रीहरू कार्यरत छन् ।”
© २०२३
सर्वाधिकार सुरक्षित
Design & Developed By:
