खोज

बुटवलमा पहिलो पटक पाँचतारे हायात प्लेस होटल सञ्चालनमा आएको छ ।

साढे तीन अर्ब रुपैयाँ लगानीमा स्थापित हायात प्लेसले बुटवलको आर्थिक सम्मृद्धिको जग बलियो बनाउन टेवा पु¥याउने विश्वास गरिएको छ । बुटवलको पहिचानमा यो एउटा अर्को गौरव जोडिएको छ ।

जसले स्थानीय साढे तीनसयलाई रोजगारीको अवसर दिने भएको छ । यसले बुटवललाई चिनाउन मद्दत पु¥याउने निश्चित छ, साथसाथै बुटवलको सम्मृद्धिको आधारको रूपमा पनि भूमिका निर्वाह गर्नेछ ।

अहिले विश्व सूचना साम्राज्यमा रमाईरहेकोले अव विश्वको जुनकुनै कुनाबाट पनि बुटवलमा पाँचतारे होटल हायात बुक गर्न सकिने सुविधा पुगेको छ । यसले बुटवलमा विदेशी पर्यटक आगमन बढ्ने विश्वास गरिएको छ ।

भैरहवाको अन्तर्राष्ट्रिय विमानस्थल पूर्ण क्षमतामा सञ्चालनमा आउन नसक्नु, बुटवलबाट प्रदेश राजधानी दाङको देउखुरी सर्नु तथा मुलुकमा पर्यटन क्षेत्र ओरालो लागिरहेको अवस्थामा पनि बुटवलमा साढे तीन अर्ब लगानीको जोखिम उठाउने चुनौतिको जुन काम लगानीकर्ताले गरेका छन, यो कामको खुला ह्दयले प्रशंसा गर्नैपर्दछ ।

यो होटलमा लगानीकर्ताले लगानीको सुरक्षाको चिन्तामात्रै गरेका छैनन, साढे तीनसय नेपालीलाई रोजगारी दिएर मुुलुकको सम्मृद्धिमा इटा थप्ने काम गरेका छन् । यो जोखिम र महत्वपूर्ण कामका लागि लगानीकर्तालाई धन्यवाद दिनैपर्दछ ।

लगानीकर्ताहरूले ३ सय ५० करोड लगानी गरेपछि लगानीको चिन्ता गर्नु स्वाभाविक नै हो । तसर्थ भैरहवाको अन्तर्राष्ट्रिय विमानस्थल पूर्ण क्षमतामा सञ्चालनमा आउने कुरा र बुटवलको अन्तर्राष्ट्रिय सम्मेलन केन्द्र नियमित सञ्चालन होस भन्ने संचालकहरूको अपेक्षा छ । यी सवै बुटवलको सम्मृद्धिका आधार र जग हुन ।

तसर्थ पहिलो पटक संचालनमा आएको पाँच तारे होटल हायात प्लेस बुटवलको सम्मृद्धिको आधार बन्ने अपेक्षा बुटवलवासीले गरेका छन् । बुटवलको विकास र सम्मृद्धिमा हायातले एउटा अध्याय थपेको छ ।

यो समग्र बुटवलसंगै लुम्बिनी प्रदेशको गौरव हो । बुटवलबाट प्रदेश राजधानी दाङको देउखुरी सरेपछि बुटवल खत्तम भयो भन्नेहरूका लागि बुटवल आर्थिक राजधानीको आधार बन्दै छ भन्ने कुरा हायात प्लेस संचालन भएबाट प्रमाणित भएको छ ।
अव बुटवल सम्मृद्धिको अर्को आधार बुटवलको अमरपथ र कालिकापथमा रात्रीकालिन बजार हुने कुरा निश्चित छ । रात्रिकालीन बजार सञ्चालन गर्नेतर्फ सम्वन्धित निकायको ध्यान अविलम्ब जाओस् ।

धेरै पहिलेदेखि बुटवल उद्योग वाणिज्य संघ र होटल तथा रेष्टुरेण्ट व्यवसायी संघले गरेको प्रयासले सार्थकता पाउनै पर्दछ । प्रदेश राजधानी दाङ सरेपछि बुटवललाई आर्थिक राजधानी बनाउने कुरा जोडतोडले चर्चा गरिएको हो ।

वुटवल त्यसैपनि पश्चिम नेपालको वाणिज्य केन्द्रको रूपमा विकास भैरहेको छ । बुटवल पश्चिम नेपालको मात्र नभै समग्र लुम्विनी प्रदेशको औद्योगिक र वाणिज्य केन्द्र हो । त्यसैले यसलाई आर्थिक राजधानी भनिँदा अस्वाभाविक लाग्दैन ।

बुटवल आर्थिक राजधानी बनिरहँदा यहाँको व्यापार व्यवसाय पनि त्यही रूपमा विकसित र परिमार्जित हुनु जरुरी छ । बुटवलको अमरपथ र कालिकापथ बुटवलकै व्यस्त बजार हो ।

यहाँ अव दिउँसो मात्र होइन यो पथलाई रात्रिकालीन बजारको रूपमा पनि स्थापित गर्न सकिए त्यसले बुटवलकै गरिमा बढाउने छ । व्यापार व्यवसाय विस्तारमा ठुलो टेवा पुग्नेछ ।

अर्कोतर्फ होटल व्यवसायीले कालिकापथलाई रात्रिकालीन बजारको रूपमा विकास गर्न माग गरिरहेको वर्षौँ भइसक्यो । बजार सञ्चालनको निश्चितता नहुँदा होटल व्यवसाय सञ्चालनमा धेरै समस्या आउने गरेको होटल व्यवसायीको पीडा छ ।

बुटवलमा पाँच तारे होटल हायात संचालनमा आएपछि अव व्यावसायिक संघ संस्थाहरूले रात्रीकालिन बजार कसरी सञ्चालन गर्न सकिन्छ भन्ने विषयलाई छिटो निचोडमा पु¥याउनु जरुरी छ ।

बुटवलको व्यापार व्यवसायलाई माथि उठाउन पाँचतारे होटल हायात र रात्रिकालीन बजारले अनेक संभावनाको ढोका खोल्नेछ । मुलुकको आर्थिक अवस्था सहज बन्न नसकिरहेको बेला कम्तीमा पनि बुटवलमा संचालनमा आएको हायातले नयाँ आर्थिक संभावनाको ढोका खोलेको छ ।