© 2026
१४ माघ २०८२, बुधबार
१४ माघ २०८२, बुधबार
काठमाडौँ ।
ऊर्जामन्त्री कुलमान घिसिङले सुमना श्रेष्ठ र जेनजी प्रतिनिधि भनेर चिनिएका हामी नेपाल अभियानका संयोजक सुदन गुरुङसँग मंगलबार बिहान आफ्नै निवासमा छलफल गरेका छन् ।
घिसिङको नेतृत्वमा नयाँ दल गठनको लागि सुमना श्रेष्ठ लामो समयदेखि सक्रिय थिइन् । तर, मन्त्री पदमा रहेकाले घिसिङले तत्काल आफ्नो नेतृत्वमा दल दर्ता नगरी फागुन २१ गतेको प्रतिनिधि सभा चुनावको नजिक मात्र दलमा सहभागी हुने बताएका थिए ।
यसै अनुसार, उनी पूर्वऊर्जासचिव अनुपकुमार उपाध्यायलाई संयोजक बनाएर दल दर्ता गर्ने तयारीमा थिए । तर, यदि घिसिङ स्वयं नेतृत्वमा नभए, सुमना श्रेष्ठले सामूहिक नेतृत्वमा दल दर्ता गर्न सुझाव दिएकी थिइन् ।
सहमति नहुँदा, सुमना श्रेष्ठले शुभकामना दिँदै दल दर्ताबाट बाहिरिने निर्णय गरिन् । त्यसपछि घिसिङले उनीहरूसँग छलफल गरेका हुन् ।
छलफल अनुसार, यदि घिसिङ स्वयं आयोग गएर दल दर्ता गराउने अवस्था बनेमा, सुमना श्रेष्ठ, सुदन गुरुङ लगायत सबै सहभागी हुने बताए । यसअघि दिनभरि पूर्वऊर्जा सचिव अनुपकुमार उपाध्याय संयोजकत्वमा “उज्यालो नेपाल” नामक दल दर्ता गर्ने तयारी भइरहेको थियो ।
सुदन गुरुङले नयाँ दलमा राख्ने ६ जना प्रतिनिधिको नाम दिइसकेका छन् । निर्वाचन आयोगले फागुन २१ गतेको प्रतिनिधि सभा चुनावका लागि कात्तिक ३० सम्म दल दर्ताको प्रमाणपत्र लिनुपर्ने समयसीमा तोकेको छ ।
© 2026
All rights reserved.
Design & Developed By:
