© २०२३
२० मंसिर २०८२, शनिबार
२० मंसिर २०८२, शनिबार
काठमाडौं ।
उर्जामन्त्री कुलमान घिसिङको पार्टीको नाम ‘उज्यालो नेपाल’ हुने सहमति भएको छ ।
अहिलेसम्मको सहमतिअनुसार तत्कालका लागि पूर्वसचिव अनुपकुमार उपाध्यायको संयोजकत्वमा अरु सबै सदस्य रहने गरी निर्वाचन आयोगमा पार्टी दर्ता गरिने भएको छ । चुनाव चिन्ह भने बिजुलीको चिम नै रहने छ ।
यसअघि नेपाल जनसेवा पार्टी राख्ने सहमति भए पनि आइतबार राति बसेको बैठकले उज्यालो नेपाल नाम लिएर आयोगमा जाने निर्णय गरेको हो ।
अहिले तत्कालका लागि कोही पदाधिकारी नहुने र उपाध्यायको संयोजकत्वमा ५१ जनाको केन्द्रीय कमिटी आउने भएको छ ।
कुलमान घिसिङ निकट एक नेताले भने, ‘सुमना जी, अरु केही पदाधिकारी साथीहरू दोस्रो चरणमा जोडिने छन् । अहिलेको लागि योजना तयार पार्ने काम भइरहेको छ । माइन्युटिङ र हस्ताक्षरको काम पूरा गर्न सके आजै दर्ता गर्ने प्रयास हुनेछ, नभए भोलि ।’
केन्द्रीय कमिटीमा रहने सदस्यको नाम टुंग्याउन अहिले छलफल जारी रहेको छ ।
© २०२३
सर्वाधिकार सुरक्षित
Design & Developed By:
