© 2026
१४ माघ २०८२, बुधबार
१४ माघ २०८२, बुधबार
काठमान्डौ, २१ कार्तिक ।
शुक्रबार नेपाली बजारमा सुनको मूल्य तोलामा ६ सय रुपैयाँले बढेको छ । नेपाल सुनचाँदी व्यवसायी महासंघका अनुसार आज सुनको प्रतितोला मूल्य २ लाख ३८ हजार ४ सय रुपैयाँ तोकिएको छ ।
अघिल्लो दिन सुनको मूल्य प्रतितोला २ लाख ३७ हजार ८ सय रुपैयाँ थियो । त्यसअघि पनि सुन तोलामा ६ सय रुपैयाँले बढेको थियो । पछिल्ला दिनहरूमा अन्तर्राष्ट्रिय बजारमा सुनको मूल्य वृद्धि भएको प्रभाव नेपाली बजारमा परेको महासंघले जनाएको छ ।
यसअघि असोज ३१ गते सुनको मूल्यले २ लाख ५८ हजार रुपैयाँको ऐतिहासिक रेकर्ड बनाएको थियो ।
चाँदीको मूल्य पनि आज तोलामा १० रुपैयाँले बढेको छ । अघिल्लो दिन प्रतितोला ३ हजार १० रुपैयाँमा कारोबार भएको चाँदी आज ३ हजार २० रुपैयाँ पुगेको छ । यसअघि असोज ३१ गते चाँदीको मूल्यले ३ हजार ३५० रुपैयाँको रेकर्ड बनाएको थियो ।
© 2026
All rights reserved.
Design & Developed By:
