© २०२३
२० मंसिर २०८२, शनिबार
२० मंसिर २०८२, शनिबार
काठमान्डौ, १९ कार्तिक ।
राष्ट्रिय स्वतन्त्र पार्टी (रास्वपा) का सभापति रवि लामिछानेलाई उच्चस्तरीय जाँचबुझ आयोगले बुधबार सोधपुछका लागि नख्खु कारागारबाट सिंहदरबारस्थित आयोगको कार्यालयमा लगिएको छ ।
जाँचबुझ आयोगको टोलीले रवि लामिछानेसँग जेनजी आन्दोलनको क्रममा कारागारबाट बाहिर निस्किएको घटनाबारे सोधपुछ गर्दैछ । आयोगका अध्यक्ष गौरीबहादुर कार्कीको नेतृत्वमा गठन भएको यस उच्चस्तरीय आयोगले पूर्वगृहमन्त्रीसमेत रहेका लामिछानेलाई आज उपस्थित गराएको हो ।
नख्खु कारागार स्रोतका अनुसार, सोधपुछका लागि झिकाउने निर्देशनपछि लामिछानेलाई कारागारबाट बाहिर ल्याइएको हो । लामिछाने सहकारी संस्थाको रकम हिनामिना प्रकरणमा पुर्पक्षका लागि कारागारमा रहेका बेला २४ भदौमा असुरक्षाको कारण देखाउँदै अन्य कैदीसहित बाहिर निस्किएका थिए । यस क्रममा कारागार प्रशासनले दिएको भनिएको पत्रको आधिकारिकतामा प्रश्न उठेको थियो । पछि उनी पुनः कारागारमा फर्किएका थिए ।
आयोगको टोलीले गत सोमबार २४ भदौको घटनाको वस्तुस्थिति अध्ययनका लागि कारागार भ्रमण गरेको थियो । सोही क्रममा आयोगले अघिल्लो दिन नख्खु कारागारका प्रमुख सत्यराज जोशीसँग बयान लिइसकेको थियो ।
© २०२३
सर्वाधिकार सुरक्षित
Design & Developed By:
