© २०२३
१९ मंसिर २०८२, शुक्रबार
१९ मंसिर २०८२, शुक्रबार
गुल्मी, १६ कार्तिक ।
गुल्मीको मालिका गाउँपालिकामा छोराले आफ्नै बाबुलाई धारिलो हतियार प्रहार गरी हत्या गरेका छन् ।
मालिका गाउँपालिका –३ म्यालका २३ वर्षीय भोट बहादुर बिकले शनिवार आफ्नै बाबु ५२ वर्षीय धन बहादुर बिकको हत्या गरेको जिल्ला प्रहरी कार्यालय गुल्मीले जनाएको छ । बिकले ४९ वर्षकी आफ्नै आमा दिलमाया बिकलाई पनि धारिलो हतियार प्रहार गरि गम्भीर घाइते बनाएका छन् । जिल्ला प्रहरी कार्यालय गुल्मीका सूचना अधिकारी गंगाबहादुर सारूका अनुसार बाबु धन बहादुर बिकको घटनास्थलमै ज्यान गएको थियो भने आमाको टाउकोमा गम्भीर चोट लागेको छ ।
घाइते आमालाई गुल्मी अस्पतालमा प्रारम्भिक उपचारपछि थप उपचारका लागि प्रादेशिक अस्पताल बुटवल पठाइएको प्रहरीले जनाएको छ।घटनाको जानकारी पाएपछि इलाका प्रहरी कार्यालय पुर्कोटदहबाट प्रहरी निरीक्षक रेवन्त सेनको नेतृत्वमा टोली घटनास्थल पुगेको थियो ।
घटनामा संलग्न मानसिक सन्तुलन ठिक नभएको भनिएका छोरा भोट बहादुर बिकलाई प्रहरीले नियन्त्रणमा लिएको छ । मृतकको शवलाई पोस्टमार्टमका लागि गुल्मी अस्पताल तम्घास ल्याईपुराएको छ । घटनाको बारेमा थप अनुसन्धान भइरहेको प्रहरीले जनाएको छ ।
© २०२३
सर्वाधिकार सुरक्षित
Design & Developed By:
