खोज

नवलपरासी, १६ कार्तिक ।

जिल्लाको रामग्राम नगरपालिका २ स्थित परासी हाटबजारमा केही व्यक्तिले अतिक्रमण गरिरहेको भन्दै व्यवसायीले बजारको विस्तृत परियोजना प्रतिवेदन (डिपिआर) माग गरेका छन् ।

हाट बजार व्यवसायी राधेश्याम अग्रहरीले रामग्राम नगरपालिकासँग बजारको डिजाइन सहितको डिपिआर माग गरेका हुन् । अतिक्रमण नरोक्ने डिपिआर र डिजाइन पनि सार्वजनिक नगर्ने नगरपालिकासँग लिखित निवेदन दिई आफूले बजारको डिपिआर माग गरिएको अग्रहरीले बताए ।

डिपिआर प्राप्त पछि आफू रोक्का गराउनका लागि अदालत जाने समेत सोच बताएका बताउँदै उनले मौखिक रूपमा आफू नगरपालिकाको योजना शाखामा माग गर्दा योजना शाखाका इन्जिनियर माधव न्यौपानेले डिपिआर नै नगरपालिकामा नभएको बताउँदै कार्यालय प्रमुख समक्ष जान भनेका थिए ।

त्यस पछि आफू लिखित निवेदन दिएको छु, उनले भने, प्रमुख प्रशासकीय अधिकृत नभएकोले निमित्त प्रमुख कुन्दन चौधरीले पूर्वाधार शाखालाई तोक लगाएका छन्, उनले निवेदन देखाउँदै भने, उक्त निवेदनमा नगरप्रमुख र प्रमुख प्रशासकीय अधिकृतको आदेशअनुसार गर्नु भनी उल्लेख गरिएको छ ।

परासी हाटबजारको डिपिआर तत्कालीन कार्यकारी अधिकृत निरञ्जन श्रेष्ठकै बेला बजारका व्यवसायी, राजनीतिक दलसँग छलफल गराइ निर्माण गराएका थिए । पछि सोहीलाई आधार मानी सहरी विकास कार्यालय चितवनले पनि बजारमा निर्माण कार्य गराउँदै आएको छ ।

नगरपालिकाले बर्सेनि बजार ठेक्का लगाउँदै लाखौँ रुपियाँ राजस्व समेत सङ्कलन गर्दै आएको छ । तर बजारको डिपिआर माग गर्दा पनि पूर्वाधार शाखामा डिपिआर नै छैन, भनेर गैरजिम्मेवारीपन देखाएको आरोप उनको थियो । नगरपालिकाको यो रवैयाले अतिक्रमणमा नगरपालिकाकै मिलोमतोमा भई रहेको हो कि भने आशङ्का ब्यक्त गरेका थिए ।

आफ्नै नगरपालिकाको राजस्वको स्रोत भएको हाटबजार अतिक्रमण समेत रोकन असक्षम देखिएको बताउँदै व्यवसायीले चाँसो लिँदा पनि गैर जिम्मेवारी देखाउनु नगरपालिकाकै मिलोमतोमा अतिक्रमण भएको हो कि समेत आशङ्का व्यवसायीले गरेका छन् ।

निवेदन दर्ता गराइएको छ, उनले थपे, प्रमुख प्रशासकीय अधिकृत आएपछि एक पटक पुनःउक्त डिपिआर माग गर्छ, डिपिआर नदिए पनि आफू उच्च अदालत जाने छु । हाटबजारसँग सायौ मानिसको रोजगारी र स्वरोजगार जोडिएको छ ।

नगरपालिकाका लागि अन्य राजस्व स्रोत हुन सक्छ, त्यसलाई चासो नहुन पनि सक्छ, जनप्रतिनिधिलाई भोटको स्वार्थी राजनीति गर्ने दाउ पनि हुन सक्छ, तर हाटबजारसँग रोजगार जोडिएका व्यवसायीहरू बजारको बचाउमा उभिनु पर्ने उनको तर्क थियो ।

व्यवसायी अग्रहरीको माग र चासो जायज नै भएको बताउँदै नगरपालिकाका लेखापाल सञ्जय शर्माले यसमा जिम्मेवार शाखाले पहल गर्नुपर्ने बताए ।