© २०२३
२१ मंसिर २०८२, आइतबार
२१ मंसिर २०८२, आइतबार
चन्द्राैटा, १३ कार्तिक ।
कपिलवस्तुमा सवारी दुर्घटना हुँदा एक जनाको मृत्यु भएको छ भने पाँच जना घाइते भएका छन् । शिवराज नगरपालिका वडा नम्बर-१, बनकसबासामा बिहीबार बिहान राति करिब दुई बजे दुर्घटना भएको हो ।
काठमाडौँबाट धनगढीतर्फ जाँदै गरेको बा.प्र.०१–००६ ख ८५०६ नम्बरको यात्रु बस अनियन्त्रित भई सडकमा पल्टिएको प्रहरीले जनाएको छ ।
प्रहरीका अनुसार बसले बाटोमा हिँडिरहेका एक पैदल यात्रुलाई ठक्कर दिँदा गम्भीर घाइते भएका ती पुरुषलाई उपचारका लागि चन्द्रौटा आधारभूत स्वास्थ्य सेवा अस्पताल लगिएको थियो । तर, उपचारकै क्रममा उनको मृत्यु भएको प्रहरीले जनाएको छ ।
वडा प्रहरी कार्यालय चन्द्रौटाका प्रहरी निरीक्षक सन्तोष घिमिरेका अनुसार मृतकको नाम र ठेगाना भने हालसम्म खुल्न सकेको छैन । बसमा सवार पाँच जना यात्रु घाइते भएका छन् ।
उनीहरूलाई चन्द्रौटास्थित सञ्जीवनी सामुदायिक अस्पतालमा उपचारका लागि पठाइएको छ । उनीहरूको अवस्था सामान्य रहेको बताइएको छ । दुर्घटनाबारे थप अनुसन्धान भइरहेको निरीक्षक घिमिरेले बताए ।
© २०२३
सर्वाधिकार सुरक्षित
Design & Developed By:
