© 2026
१५ माघ २०८२, बिहीबार
१५ माघ २०८२, बिहीबार
बुटवल, ८ कार्तिक ।
मकवानपुरको भिमफेदी कारागारबाट फरार एक कैदीको पूर्वी नवलपरासीको गैँडाकोटमा हत्या भएको छ ।
शुक्रबार राति गैँडाकोट नगरपालिका–७ स्थित इँट्टाभट्टा नजिक ५–८ जनाको समूहले धारिलो हतियार प्रहार गरी २८ वर्षीय नारायण कुमालको हत्या गरेको जिल्ला प्रहरी कार्यालय पूर्व नवलपरासीका एसपी युवराज खड्काले जानकारी दिए ।
मृतक कुमाल चितवनको कालिका नगरपालिका–४ पदमपुरका निवासी हुन् । प्रहरीका अनुसार घटनामा संलग्न रहेको आरोपमा पाँच जनालाई नियन्त्रणमा लिएर थप अनुसन्धान भइरहेको छ ।
कुमाल यसअघि भिमफेदी कारागारमा सजाय भोगिरहेका थिए । बलात्कार कसुरमा उनलाई अदालतले १० वर्ष कैद र ३५ हजार रुपैयाँ जरिवानाको फैसला गरेको थियो । तर, भदौ २४ गते जेल तोडफोड गरेर उनी फरार भएका थिए ।
प्रहरीका अनुसार कुमाललाई २०७४ साउन ३ गते पक्राउ गरिएको थियो । उनी पछिल्ला दिनमा फरार अपराधीका रूपमा खोजी सूचीमा थिए ।
© 2026
All rights reserved.
Design & Developed By:
