© २०२३
२९ मंसिर २०८२, सोमबार
२९ मंसिर २०८२, सोमबार
काठमाडौँ ।
बुधबारदेखि जारी नेकपा एमालेको केन्द्रीय कमिटी बैठकमा एकपछि अर्को गर्दै नेताहरूले अध्यक्ष केपी शर्मा ओलीको राजीनामा माग्न थालेका छन् ।
यसै क्रममा, बैठकको तेस्रो दिन शुक्रबार एमाले केन्द्रीय सदस्य ठाकुर गैरेले पनि ओलीले अब अध्यक्ष पद छाड्नुपर्ने धारणा राखेका छन् ।
अध्यक्ष ओलीले प्रस्तुत गरेको विशेष राजनीतिक प्रतिवेदनमा धारणा राख्दै गैरेले भने, “प्रस्ताव पूर्ण गरौँ । सबै कुरा ध्वस्त भएको छ । कम्युनिस्ट आन्दोलन कति बलियो हुन्छ, परिस्थितिको ठोस विश्लेषण गरेर निष्कर्ष निकालौँ ।
हामीले संविधान संशोधनको कुरा गरिरहेका थियौँ, तर हाम्रोमा ठोस निर्णय थिएन । वाम एकता गरेर निर्माण गरिएको सरकार पनि ढल्यो, वाम-लोकतान्त्रिक सरकार पनि टिक्न सकेन ।
यस्तो अवस्थामा पार्टी रूपान्तरणको मुद्दालाई नेतृत्वविरोधको रूपमा बुझ्नु हुँदैन । म यो बैठकलाई नेतृत्व हस्तान्तरण गरेर जाऔँ भन्ने अनुरोध गर्दछु ।”
एमालेको पछिल्लो केन्द्रीय बैठकमा पार्टीभित्र व्यापक असन्तुष्टि सार्वजनिकरूपमा देखिन थालेको छ । नेताहरूको धारणा हेर्दा अध्यक्ष ओलीको नेतृत्वमा अब व्यापक चुनौती सिर्जना भएको आभास हुन्छ ।
© २०२३
सर्वाधिकार सुरक्षित
Design & Developed By:
