© २०२३
२९ मंसिर २०८२, सोमबार
२९ मंसिर २०८२, सोमबार
काठमाडौं, ३१ असोज ।
गृहमन्त्री ओमप्रकाश अर्यालले जेनजी आन्दोलन हिंसात्मक बन्नुमा आपराधिक मानसिकता भएका व्यक्तिहरू जिम्मेवार रहेको बताएका छन् ।
७० औं प्रहरी दिवसका अवसरमा प्रहरी प्रधान कार्यालय, नक्सालमा आयोजित कार्यक्रममा बोल्दै गृहमन्त्री अर्यालले आन्दोलनको आडमा महत्वपूर्ण सरकारी तथा निजी सम्पत्तिमा तोडफोड, आगजनी र लुटपाट भएको बताए ।
“आपराधिक मानसिकताका व्यक्तिहरूले आन्दोलनको आडमा नेपाल सरकारका महत्त्वपूर्ण प्रतिष्ठान, व्यापारिक संस्था, सार्वजनिक सेवा प्रदायक कार्यालयहरू र निजी सम्पत्तिमा समेत आक्रमण गरे,” उनले भने, “यिनकै कारण आन्दोलन हिंसात्मक बन्यो ।”
उनका अनुसार, आन्दोलनका क्रममा सयौं प्रहरी कार्यालयमा आगजनी, सवारीसाधनमा तोडफोड, हातहतियार र सुरक्षासम्बन्धी उपकरण लुटपाट, र प्रहरीमाथि भौतिक आक्रमण समेत भएका थिए ।
तर, मन्त्री अर्यालले प्रहरी संगठन नागरिकसँग जोडिएको संस्थाका रूपमा रहँदै आएको स्पष्ट पारे । “नेपाल प्रहरी नागरिक स्पन्दनमा बसेको संगठन हो भन्ने कुरा अहिले नागरिक सहभागितामार्फत भइरहेको मर्मत तथा पुनर्स्थापनाले पुष्टि गरेको छ,” उनले भने ।
© २०२३
सर्वाधिकार सुरक्षित
Design & Developed By:
