© २०२३
१९ मंसिर २०८२, शुक्रबार
१९ मंसिर २०८२, शुक्रबार
नवलपरासी, ३० असोज ।
जिल्लाको रामग्राम नगरपालिकाका बालबालिकामा कुपोषणको अवस्था बढ्दै गएको देखिएको छ । कुपोषणलाई हटाउने गरी विभिन्न कार्यक्रम गर्दै आए पनि कार्यक्रमहरू प्रभावकारी हुन नसक्दा कुपोषणको अवस्था बढ्दै गएको तथ्याङ्कले देखाएको नगरपालिकाको स्वास्थ्य शाखाले जनाएको हो ।
नगर क्षेत्र भित्र रहेका सबै स्वास्थ्य चौकी तथा आधारभूत स्वास्थ्य केन्द्र मार्फत पोषणका कार्यक्रम गर्न भनिए पनि चाहे जति जनपरिचालन तथा स्वास्थ्यकर्मीहरूले प्रभावकारी ढङ्गले काम नगर्दा विगत वर्षको तुलनामा कुपोषण हुने सङ्ख्यामा वृद्धि भएको तथ्याङ्कले देखाएको छ ।
कुपोषणमा पनि कड कुपोषणको अवस्था घटेको भए पनि सामान्य कुपोषणको सङ्ख्यामा वृद्धि देखिएको छ, शाखाका स्वास्थ्यकर्मी अनिल खडकाले भने, यसबारे समीक्षा गरी कार्यक्रमलाई प्रभावकारी बनाउन शाखाले छलफल गरी थप काम गर्नेछ ।
उनका अनुसार आर्थिक वर्ष २०७९/०८० मा २६ जनामा सामान्य कुपोषण देखिएको थियो । तर अहिले आर्थिक वर्ष २०८१/०८२ मा सो सङ्ख्या बढेर २ सय ४४ पुगेको छ । तर कडा कुपोषणमा त्यही वर्षको अनुसार ३७ बाट बढेर ४७ पुगेको देखिन्छ । तुलनात्मक कडा भन्दा सामान्य कुपोषणको अवस्था बढ्दो देखिन्छ ।
© २०२३
सर्वाधिकार सुरक्षित
Design & Developed By:
