© २०२३
२१ मंसिर २०८२, आइतबार
२१ मंसिर २०८२, आइतबार
काठमान्डौ, २६ असोज ।
नेपाली कांग्रेसको विद्यार्थी संगठन नेविसंघले काठमाडौं महानगरपालिकाका मेयर बालेन्द्र शाह (बालेन) र हामी नेपाल संस्थाका संयोजक सुदन गुरुङविरुद्ध प्रहरीमा उजुरी दिएको छ ।
गत भदौ २३ र २४ जेनजी युवा आन्दोलनका क्रममा भएको आगजनी, तोडफोड र सरकारी तथा निजी सम्पत्तिमा क्षति पुर्याउने घटनामा उनीहरूमाथि अनुसन्धान हुनुपर्ने नेविसंघको माग छ । उजुरी जिल्ला प्रहरी परिसर काठमाडौं र ललितपुरमा दायर गरिएको हो ।
उजुरीमा नेविसंघ केन्द्रीय सदस्य मनीषजंग थापा, अशोकसिंह विष्ट र विजय शाहको नाम उल्लेख छ । उनीहरूले २४ घण्टाभित्र बालेन र सुदनलाई पक्राउ गरी अनुसन्धान अघि बढाउन माग गरेका छन् ।
यसअघि सुदन गुरुङसहितका युवाहरूले आन्दोलन दमन गरेको भन्दै तत्कालीन प्रधानमन्त्री केपी शर्मा ओली, गृहमन्त्री रमेश लेखक लगायतविरुद्ध पनि नेविसंघले जाहेरी दर्ता गरिसकेको थियो । साथै, नेकपा एमाले निकट अनेरास्ववियुले पनि उनीहरूविरुद्ध उजुरी दिएको थियो ।
© २०२३
सर्वाधिकार सुरक्षित
Design & Developed By:
