खोज

बुटवल, २६ असोज ।

पाल्पाको रामपुरमा जारी यु–१९ सेभेन ए साईड खुल्ला राष्ट्रिय फुटबल प्रतियोगिताको उपाधि खस्यौली एफसीले चुमेको छ ।

शनिबार भएको फाईनल खेलमा आयोजक एलजी एशोसियसनलाई पेनाल्टी सुटआउटमा २–१ गोल अन्तरले पराजित गर्दै खस्यौली एफसीले उपाधि चुमेको हो । उपाधिसंगै खस्यौली नगद २ लाख रुपैया, कप, मेडलबाट पुरस्कृत भयो भने उपविजेता आयोजक एलजी नगद १ लाख रुपैया, कप, मेडलबाट पुरस्कृत भए ।

प्रतियोगितामा आयोजक एलजीका अरबिन्द कुमार धामी बेष्ट डिफेन्डर, खस्यौली एफसीका सरोज दलार्मी, बेष्ट मिडफिल्डर, आयोजक एलजीका सन्तोष श्रेष्ठ बेष्ट फरवार्ड, खस्यौलीका नबिन मस्याङगी बेष्ट गोलकिपर, एलजीका सुनिल थापा हाईस्कोर, आयोजक एलजीका सन्तोष श्रेष्ठ सर्वोत्कृष्ट खेलाडीबाट पुरस्कृत भए । यसैगरि सेमीफाईनल पुग्ने २ टिमलाई नगद २५ हजार रुपैयाबाट पुरस्कृत गरिएको छ ।

निक्कै प्रतिस्प्रर्धात्मक खेलको निर्धारित समय बराबरी भएपनि खेल ट्राईबेकरमा धकेलिएको थियो । खेलमा रामपुरका खेलाडीको प्रहारलाई खस्यौलीका गोलकिपरले राकिदिदा जित हासिल गर्न सफल भयो । एक समारोहका बिच रामपुर नगरपालिकाका नगरप्रमुख रमण बहादुर थापा, वडा नं. १ का वडाअध्यक्ष कपिल बहादुर खाँड ठकुरी, समाजसेवी कुमार स्याङजाली, लालिगुरास एशोसियसनका अध्यक्ष मधुसुधन पोखरेलले पुरस्कार वितरण गरेका छन । असोज १८ देखी शुरु भएको प्रतियोगितामा १८ टिमहरु सहभागी रहेका थिए ।