© २०२३
२१ मंसिर २०८२, आइतबार
२१ मंसिर २०८२, आइतबार
काठमान्डौ, २५ असोज ।
नेपाली कांग्रेसभित्र विशेष कि नियमित महाधिवेशन गर्ने बहस तीव्र बन्दै गर्दा शेरबहादुर देउवा नेतृत्वको वर्तमान केन्द्रीय कार्यसमिति भंग गरी सानो र चुस्तदुरुस्त तदर्थ समिति गठन गर्न माग उठेका छन् ।
केन्द्रीय कार्यसमिति बैठकमा नेता बलबहादुर केसीले वर्तमान कार्यसमितिले मुलुक र पार्टीको चुनौती समाधान गर्न नसक्ने भएकाले वडा तहदेखि केन्द्रसम्मका सबै कार्यसमिति भंग गरी नयाँ तदर्थ समिति बनाउनु पर्ने बताए ।
पूर्वमहामन्त्री डा. शशांक कोइरालाले पनि कार्यसमिति भंग गरेर कार्यवाहक सभापतिको जिम्मेवारी तोक्न र मंसिरभित्र नियमित महाधिवेशन सम्पन्न गर्न देउवालाई सुझाव दिएका छन् । युवा नेता रञ्जित कर्णले पनि मंसिरभित्र महाधिवेशन नभए वर्तमान समिति भंग गर्नुपर्ने प्रस्ताव अघि सारेका छन् ।
धेरै नेताले आगामी निर्वाचनमा वर्तमान नेतृत्वसहित जान नसकिने भन्दै महाधिवेशनमार्फत नयाँ नेतृत्व चयन गर्नुपर्ने आवश्यकता औँल्याइरहेका छन् ।
© २०२३
सर्वाधिकार सुरक्षित
Design & Developed By:
