खोज

बुटवल, २६ असोज ।

बुटवल उपमहानगरपालिका–१६ सेमलारकी रुपा गैरेविरुद्ध साइबर अपराध (साइबर क्राइम) विरुद्ध उजुरी दर्ता भएको छ । सामाजिक सञ्जाल फेसबुकमार्फत चरित्र हत्या गरेको आरोपमा सोही स्थानका ५२ वर्षीय दुर्गाप्रसाद न्यौपाने र ४३ वर्षीय रामराज तिवारीले बुटवलस्थित इलाका प्रहरी कार्यालयमा उजुरी दिएका हुन् ।

उनीहरूले दर्ता गराएको उजुरीमा गैरेले फेसबुकमार्फत असत्य, अपमानजनक र मानहानी हुने टिप्पणी गर्दै उनीहरूको सामाजिक प्रतिष्ठामा ठेस पु¥याएको उल्लेख गरिएको छ । उजुरीका अनुसार गैरेले विभिन्न पोस्ट र कमेन्टमार्फत दुर्गाप्रसाद र रामराजबारे अमर्यादित शब्द प्रयोग गरेकी थिइन्, जसका कारण उनीहरूको इज्जत र साखमा असर परेको दाबी गरिएको छ ।

इलाका प्रहरी कार्यालय बुटवलका प्रहरी नायब उपरीक्षक (डीएसपी) इन्द्रबहादुर रानाले साइबर क्राइममा उजुरी आएको पुष्टि गरे । उनले भने, “उजुरी दर्ता भइसकेको छ । आवश्यक प्रमाण संकलनपछि कानुनी प्रक्रिया अघि बढाइनेछ ।”

उक्त आरोपबारे प्रतिकृया दिँदै रुपा गैरेले आफ्नो फेसबुक पोस्टलाई व्यक्तिगत अभिव्यक्ति भन्दै उजुरी दर्ता गर्नेहरूसँग तपाईले चम्मागिरी गरेको हो ? भनी प्रश्न गरिन् । गैरेले भनिन्, “मैले मन लाएको कुरा लेखें, तपाईलाई के मतलब ? तपाईले किन चम्चागिरी गरिरहनु भएको छ ?”

नेपालको सूचना प्रविधि ऐन २०६३ को दफा ४७ अनुसार, इन्टरनेट वा अन्य डिजिटल माध्यम प्रयोग गरी अरूको मानहानी गर्ने वा असत्य सामग्री प्रसारण गर्ने कार्य दण्डनीय अपराध हो । दोषी ठहरिए कारावास वा जरिवानाको सजाय हुनसक्ने कानुनी प्रावधान छ ।

यस्तो छ गैरेले फेसबुकमा लेखेको सामग्री: