© २०२३
१९ मंसिर २०८२, शुक्रबार
१९ मंसिर २०८२, शुक्रबार
काठमाडौँ ।
भारतको सर्वोच्च अदालत बार एसोसिएसनले प्रधानन्यायाधीश बी.आर. गवईमाथि आक्रमण प्रयास गर्ने अधिवक्ता राकेश किशोरको सदस्यता खारेज गरेको छ । किशोर एससीबीएका अस्थायी सदस्य थिए ।
बार एसोसिएसनले सार्वजनिक गरेको निर्णयमा भनिएको छ, “उक्त कार्यले न्यायपालिकाको स्वतन्त्रता, अदालती प्रक्रियाको पवित्रता, र बार तथा बेञ्चबीचको पारस्परिक सम्मानमा प्रत्यक्ष हमला गरेको छ ।”
निर्णयअनुसार अधिवक्ता किशोरको सदस्यता तत्काल समाप्त गरिएको छ र उनको नाम सदस्य सूचीबाट हटाउने निर्णय गरिएको छ ।
साथै, एससीबीएद्वारा जारी गरिएको उनको सदस्यता परिचयपत्र पनि अमान्य ठहर गरिएको छ । एसोसिएसनले यसबारेमा सर्वोच्च अदालतका महासचिवलाई पनि जानकारी गराएको छ ।
उल्लेखनीय छ, गत सोमबार एक मुद्दाको सुनुवाइका क्रममा प्रधानन्यायाधीश गवईमाथि आक्रमण प्रयास भएको थियो । तर, सुरक्षाकर्मीले तत्काल हस्तक्षेप गर्दै वकिल किशोरलाई नियन्त्रणमा लिएका थिए ।
पछिल्लो जानकारीअनुसार सुरक्षा निकायहरूले उनलाई हिरासतमा लिएर सोधपुछ गरेका थिए र पछि रिहा गरिएको छ ।
© २०२३
सर्वाधिकार सुरक्षित
Design & Developed By:
