© २०२३
१९ मंसिर २०८२, शुक्रबार
१९ मंसिर २०८२, शुक्रबार
काठमाडौँ ।
पोखराको लिची बगान जग्गा घोटाला प्रकरणमा दुई पूर्व मन्त्रीसहित सात जना विरुद्ध भ्रष्टाचार मुद्दा दर्ता गर्न अख्तियार दुरुपयोग अनुसन्धान आयोग विशेष अदालत पुगेको छ । उनीहरूविरुद्ध ७८ लाख रुपैयाँ बिगो माग दाबी गरिएको छ ।
पूर्व मन्त्री राजकुमार गुप्ता र रञ्जिता श्रेष्ठसहित सात जनाविरुद्ध मुद्दा दायर गरिएको आयोगका प्रवक्ता राजेन्द्र कुमार पौडेलले जानकारी दिएका छन् । उनका अनुसार हाल विशेष अदालतमा मुद्दा रुजु गर्ने प्रक्रिया अगाडि बढिरहेको छ ।
जग्गा हिनामिना योजनासँग सम्बन्धित घूस डिलको अडियो सार्वजनिक भएपछि यो प्रकरणमा अनुसन्धान तीव्र पारिएको थियो ।
सार्वजनिक अडियोमा पूर्व मन्त्रीहरू र बिचौलियाहरूबिच घूस लेनदेनको संवाद रहेको आरोप लागेको छ, जसपछि अख्तियारले उनीहरूमाथि मुद्दा अगाडि बढाएको हो ।
© २०२३
सर्वाधिकार सुरक्षित
Design & Developed By:
