खोज

काठमाडौँ ।

गाजामा युद्ध सुरु भएदेखि अमेरिकाले इजरायललाई कम्तीमा २१ अर्ब ७० करोड अमेरिकी डलर बराबरको सैन्य सहायता प्रदान गरेको एक रिपोर्टमा उल्लेख गरिएको छ ।

सन् २०२३ को अक्टोबर ७ मा हमासले इजरायलमाथि आक्रमण गरेको घटनाको दोस्रो वार्षिकोत्सवमा सार्वजनिक गरिएको उक्त रिपोर्टअनुसार, बाइडेन र ट्रम्प प्रशासनको कार्यकालमा अमेरिका लगातार इजरायललाई सैन्य सहयोग दिँदै आएको छ ।

ब्राउन विश्वविद्यालयअन्तर्गत वाटसन स्कूल अफ इन्टरनेशनल एन्ड पब्लिक अफेयर्सको ‘युद्ध परियोजनाको लागत’ले प्रकाशित गरेको अर्को अध्ययनमा, अमेरिकाले विगत दुई वर्षमा मध्यपूर्वमा सुरक्षा सहायता र सैन्य सञ्चालनका लागि करिब १० अर्ब डलर खर्च गरेको उल्लेख छ ।

‘द इकोनोमिक टाइम्स’ का अनुसार, सन् २०२३ को अक्टोबरदेखि इजरायललाई दिइएको सैन्य सहायता बारे अमेरिकी विदेश विभागले हालसम्म कुनै आधिकारिक टिप्पणी गरेको छैन ।

युद्ध अन्त्यका लागि पूर्वराष्ट्रपति डोनाल्ड ट्रम्पले सार्वजनिक रूपमा दबाब दिइरहेका बेला यी प्रतिवेदनहरू सार्वजनिक भएका हुन् ।

इजरायलले समर्थन गरेको भनिएको अमेरिकी योजनाका केही प्रस्तावहरूलाई हमासले पनि स्वीकार गरेपछि हालै इजिप्टमा दुबै पक्षबीच अप्रत्यक्ष वार्ता सुरु भएको छ ।

उक्त प्रतिवेदनहरूले अमेरिकी सहयोग विना इजरायलले गाजामा हमासविरुद्धको आफ्नो सैनिक अभियान निरन्तरता दिन नसक्ने दाबी गरेका छन् । साथै, इजरायललाई दिइने भावी सहयोगस्वरूप १० औं अर्ब डलर बराबरको कोषको प्रक्षेपण पनि गरिइएको छ ।