© २०२३
६ पुष २०८२, आइतबार
६ पुष २०८२, आइतबार
काठमान्डौ, १९ असोज ।
पछिल्लो दुई दिनको अविरल वर्षा र विपद्का कारण देशभर ४० जनाको ज्यान गएको छ । सशस्त्र प्रहरी बल, नेपालका अनुसार बाढीपहिरो, चट्याङ र सवारी दुर्घटनामा परी १३ जना घाइते भएका छन् भने ११ जना बेपत्ता छन् ।
इलाम जिल्लामा मात्रै बाढीपहिरोबाट २८ जनाको मृत्यु भएको छ भने दुई जना गम्भीर घाइते भएका छन् । इलामको सूर्योदय नगरपालिकामा ५, इलाम नगरपालिकामा ६, देउमाई नगरपालिकामा २, फाकफोकथुम गाउँपालिकामा १, माङ्सेबुङ गाउँपालिकामा ३, माइजोगमाई गाउँपालिकामा ८ र सन्दकपुर गाउँपालिकामा ३ जनाको मृत्यु भएको सशस्त्र प्रहरी बलका सहप्रवक्ता शैलेन्द्र थापाले जानकारी दिए ।
त्यसैगरी बाढीपहिरोबाट उदयपुरमा २, रौतहटमा ३, रसुवामा ४ र काठमाडौँमा १ जनाको मृत्यु भएको छ । खोटाङ, भोजपुर, रौतहट र मकवानपुरमा चट्याङ लाग्दा ८ जना घाइते भएका छन् । पाँचथरमा सवारी दुर्घटनामा ६ जनाको मृत्यु भएको छ भने ६ जना घाइते भएका छन् ।
सशस्त्र प्रहरी बलले प्रभावित क्षेत्रमा उद्धार तथा राहत कार्य तीव्र गतिमा अघि बढाएको छ र सर्वसाधारणलाई सतर्क रहन अनुरोध गरेको छ ।
© २०२३
सर्वाधिकार सुरक्षित
Design & Developed By:
