© २०२३
१९ मंसिर २०८२, शुक्रबार
१९ मंसिर २०८२, शुक्रबार
दाङ,१७ असोज ।
दाङको तुलसीपुर उपमहानगरपालिका–१२ मेट्रो कलेज नजिकै हरिपौरीमा सवारी साधनको ठक्करबाट एक पैदल यात्रीको मृत्यु भएको छ । अन्दाजी ६५ वर्षीय तुलसीपुर–१४ गोठुवाका सन्तु थारुलाई अज्ञात सवारीसाधनले ठक्कर दिँदा मृत्यु भएको ईलाका प्रहरी कार्यालय तुलसीपुरका प्रहरी निरीक्षक सुर्य रानाले जानकारी दिए ।
प्रारम्भिक अनुसन्धानमा मोटरसाइकलले ठक्कर दिएको हुन सक्ने अनुमान गरिएको छ । घटनास्थलमा पुगी प्रारम्भिक अनुसन्धान गर्दा मोटरसाइकलको लेखगार्ड घस्रिएको जस्तो देखिएको आधारमा प्रहरीले अनुसन्धान अघि बढाएको छ ।
घाइते थारुलाई तत्काल राप्ती प्रादेशिक अस्पताल तुलसीपुर पुर्याइएको थियो । तर अस्पताल पुगेपछि चिकित्सकले उनलाई मृत घोषणा गरेका छन् । सवारीसाधन र चालक फरार रहेकाले खोजी भइरहेको प्रहरी निरीक्षक रानाले जानकारी दिए ।
© २०२३
सर्वाधिकार सुरक्षित
Design & Developed By:
