खोज

काठमाडौं : नेपालले वेस्ट इन्डिजलाई १२३ रनको विजयी लक्ष्य प्रस्तुत गरेको छ। युएईस्थित शारजाह क्रिकेट स्टेडियममा टस हारेर ब्याटिङको निम्तो पाएको नेपाल १९.५ ओभरमा अलआउट हुँदै १२२ रन बनाएको हो।

नेपालका लागि ओपनर ब्याटर कुशल भुर्तेलले सर्वाधिक ३९ रन बनाए। उनले २९ बलमा २ चौका र ३ छक्का प्रहार गरेका थिए।

पावरप्ले सकिँदा मा बिना विकेटको क्षति ३७ रन बनाएको नेपालले ६.६ ओभरमा नेपालले पहिलो विकेट गुमायो। नेपालका लागि पहिलो विकेटको रूपमा ओपनिङमा आएका कुशल मल्लको विकेट गुमाएको हो। मल्ल विकेटकिपरको हातमा क्याच भए। उनले २१ बलमा १ चौका सहित  १२ रन बनाउँदै पेभेलियन फर्किए।

नेपालका ओपनर ब्याटर कुशल भुर्तेलले २६ रनमा जीवनदान पाएका थिए। ६.४ ओभरमा उनले ठूलो सट खेल्दा उनको क्याच मिस भयो। जेसन होल्डरको बलमा एलनले हातमै परेको बल समाउन सकेनन्। ९.५ ओभरमा उनले ३९ रन बनाउँदै स्लिपमा क्याच भए।

नेपालले ४१ रन बनाउँदा १ विकेट गुमाएको हो। ६० रन बनाउँदा नेपालले दोस्रो विकेटको रूपमा अर्का ओपनर कुशल भुर्तेलको विकेट गुमायो। ९.३ ओभरमा अकेल होसेनले कप्तान रोहित कुमार पौडेलको विकेटका लागि अपिल गरेका थिए। तर, त्यो बल आधिकारिक बल भएन र अम्पायरले ‘नो बल’को इसारा गरे। रोहित पौडेलले ७ रनमा जिवनदान पाए। पौडेलले ११.४ ओभरमा १६ रन बनाउँदा दोस्रो पटक जीवनदान पाए। गोरको बलमा कप्तान होसेनले क्याच मिस गरेका हुन्। २ पटक भाग्यशाली बनेका रोहित १२.२ ओभरमा १७ रन बनाउँदै विकेटकिपरको हातमा क्याच भए।

चौथो विकेटको रुपमा नेपालले गुल्सन झालाई रनआउटको रुपमा गुमायो। गुल्सनले १२ बलमा १० रन बनाए। आरिफ शेख ६ रनमा डिप थर्डमा क्याच भए। १६.१ ओभरमा १०० रन पूरा गर्यो। नेपालका लागि सन्दीप जोराले १६.१ ओभरमा होल्डरलाई छक्का प्रहार गर्दै नेपालका लागि १०० रन पूरा गरेका हुन्। १६.२ ओभरमा नेपालले छैटौं विकेट गुमायो । नेपालका लागि आदिल आलमको विकेट गएको हो। आदिलले ३ बलमा १ चौकासहित ६ रन बनाउँदै रन आउट भए।

१७.१ ओभरमा नेपालले सातौं विकेटको रुपमा सन्दीप जोराको विकेट गयो। उनले १५ बलमा १४ रन बनाउँदै क्याच भए। १८.४ मा सोमपाल कामीको रुपमा नेपालको आठौं विकेट गयो। उनी ४ बलमा ४ रन बनाउँदै एलबीडब्ल्यू आउट भए। १८.५ मा नेपालको नवौं विकेटको रुपमा करण केसी बोल्ड हुँदै डकआउट भए। नेपालको लागि अन्तिम विकेटको रुपमा १९.५ मा लोकेश बम ९ रनमा क्याच भए। साहब आलम शुन्यमा अविजित रहे।

वेष्टइन्डिजका लागि रामोन सिमोन्डले सर्वाधिक ४ विकेट लिए। जेडिआ वाल्डेजले २ विकेट लिँदा, कप्तान अकेल होसेन, जसन होल्डर१-१ विकेट लिए। नेपालले पहिलो खेलमा वेष्टइनिडजलाई १९ रन र दोस्रो खेलमा ९० रनले पराजित गर्दै सिरिज २-० सहित जितिसकेको छ।