© २०२३
२२ मंसिर २०८२, सोमबार
२२ मंसिर २०८२, सोमबार
बुटवल, १४ असोज ।
घटस्थापनादेखि फूलपातीसम्मको अवधिमा बुटवलबाट करिब डेढ लाख यात्रु बाहिरिएको अनुमान गरिएको छ ।
नेपाल प्रहरी, राजमार्ग सुरक्षा तथा ट्राफिक व्यवस्थापन कार्यालय बुटवलका प्रमुख एसपी मित्रबन्धु शर्माका अनुसार बस समितिबाट मात्रै करिब ४५ हजार यात्रुले टिकट काटेर यात्रा गरेका छन् । त्यस्तै, जिप, निजी सवारीसाधन र अन्य माध्यममार्फत बाहिरिने यात्रुहरू समावेश गर्दा कुल सङ्ख्या करिब १ लाख ५० हजार पुगेको अनुमान गरिएको छ ।
परम्परागत दसैँको मौलिक तयारी मात्र नभई व्यापार, अध्ययन र रोजगारीका कारण विदेश वा अन्य शहरमा रहेका मानिसहरू घर फर्कन थालेपछि राजधानी काठमाडौँसहित देशका विभिन्न सहरबाट बुटवल आउने यात्रुहरूको सङ्ख्या पनि उल्लेख्य रूपमा बढेको प्रहरीले जनाएको छ ।
लुम्बिनी प्रदेशका पहाडी जिल्ला गुल्मी, अर्घाखाँची, पाल्पा, रोल्पा, प्युठान र दाङका नागरिकहरू आफ्नो आधारस्थलको रूपमा बुटवल रोज्ने गरेका छन् । यी जिल्लाका नागरिकहरूले घर फर्कन थालेपछि बुटवल बसपार्क र अन्य यातायात केन्द्रहरू अहिले चहलपहलयुक्त बनेका छन् ।
© २०२३
सर्वाधिकार सुरक्षित
Design & Developed By:
