खोज

बुटवल, ११ असोज ।
सामाजिक क्षेत्रमा अग्रसर बुटवल सोसल ग्रुपले बुटवलको एक बाल विकास केन्द्रलाई सहयोग हस्तान्तरण गरेको छ । ग्रुपले सामाजिक उत्तरदायित्वअन्तर्गत बुटवल उपमहानगरपालिका वडा नं. ३ स्थित चिडियाखोला बाल विकास केन्द्रमा अध्ययनरत बालबालिकाहरूलाई करिब २८ हजार रुपैयाँ बराबरको अत्यावश्यक सामान हस्तान्तरण गरेको हो ।

शनिबार एक कार्यक्रमका बिच ग्रुपका अध्यक्ष भोज थापाले केन्द्रका कोषाध्यक्ष गोपाल कुमार प्रधानलाई सहयोग रकम हस्तान्तरण गर्दै बालबालिकाको शैक्षिक वातावरण सुदृढ गर्न र उनीहरूको दैनिकी सहज बनाउने थोरैभएपनि सहयोग गर्न पाउदा धेरैखुशी लागेको बताए । उनले बालबालिकाको उज्ज्वल भविष्य नै समाजको उज्यालो भविष्य हुने भएकाले यसतर्फ सबैलाई जिम्मेवार हुनुपर्नेमा जोड दिए । समुदायमा रहेका बालबालिकाको भविष्य सुरक्षित बनाउन स्थानीय संस्थाहरूले हातेमालो गर्दै निरन्तर सहयोग गर्नुपर्ने आवश्यकता औंल्याए ।

कार्यक्रममा ग्रुपका सचिव अशोक राईले स्थापनाकालदेखि नै सामाजिक सेवाका आफुहरु अग्रसर रहेको भन्दै यस्ता क्रियाकलापबाट संस्थाको सामाजिक छवि मात्र नभई समुदायलाई प्रत्यक्ष लाभ भैरहेको बताए ।

कार्यक्रममा केन्द्रका कोषाध्यक्ष गोपाल कुमार प्रधानले लक्षित वर्गहरुका बालबालिकालाई अक्षर सिकाईमा केन्द्रको भुमिकाबारे प्रकाश पार्दै समग्र विकासका लागि समुदायको सहयोग अपिहार्य रहने बताए । आगामी दिनमा स्वास्थ्य, शिक्षा र सरसफाइका क्षेत्रमा समेत विशेष ध्यान दिइनेछ । यस्ता प्रयासहरूले विद्यालय र समुदायबीचको सम्बन्ध अझ प्रगाढ हुने उनले बताए । हाल केन्द्रमा ३२ जना बालबालिकाहरु अध्ययरत छन ।