खोज

बुटवल, १० असोज ।
बुटवलमा सम्पन्न प्रथम वडा स्तरीय जी–२५ सेभेन साईड भेट्रान्स कप फुटबल प्रतियोगिताको उपाधि वडा नं. ११ ले चुमेको छ । जी ट्वाईन्टी फाईभ क्लबको आयोजनामा शुक्रबार सम्पन्न फाईनल खेलमा वडा नं. ६ लाई १–० गोल अन्तरले पराजित गर्दै उपाधि चुमेको हो ।

उपाधिसंगै वडा नं. ११ नगद ५५,५५५ रुपैया, कप, मेडल, प्रमाणपत्रबाट पुरस्कृत भयो । उपविजेता वडा नं. ६ भने नगद २५,५५५ रुपैया, कप, मेडल, प्रमाणपत्रमा चित्त बुझायो । प्रतियोगितामा बुटवल ११ का याम बहादुर बुचा हाईस्कोरर, वडा नं ११ कै माधव श्रेष्ठ उत्कृष्ट गोलकिपर, वडा नं ६ का हिमाल गौचन सर्वोत्कृष्ट खेलाडी तथा वडा नं ६ का ६५ वर्षिय गोलकिपर चित्र बहादुर गुरुङ सिनियर प्लेयर घोषित हुदै नगद ५ हजारसहित कपबाट पुरस्कृत भए । देविनगरस्थित एन्फा खेलमैदानमा भएको निक्कै प्रतिस्प्रर्धात्मक खेलमा वडा नं. ११ को जितमा यम बहादुर बुचाले एकमात्र गोल गरे ।

एक कार्यक्रमका बिच बुटवल उपमहानगरपालिकाका नगरप्रमुख खेलराज पाण्डेय, वडा नं. ११ का वडाअध्यक्ष रामचन्द्र क्षेत्री, क्लबका अध्यक्ष जगदिश न्यौपाने, खेल संयोजक रमेश कुमार जोशी, महासचिव किशोर पंगेनी, सचिव रेशम महराले पुरस्कार वितरण गरेका छन । नगरमा रहेका भेट्रान्स खेलाडीहरुलाई पुर्नताजगी गराउने गरि फुटबल प्रतियोगिता गरिएको प्रतियोगितामा १४ वटा वडाका खेलाडीहरु सहभागीता रहेको थियो ।