© 2026
२१ फाल्गुन २०८२, बिहीबार
२१ फाल्गुन २०८२, बिहीबार
काठमान्डौ, १० असोज ।
ऊर्जा, जलस्रोत तथा सिँचाइमन्त्री कुलमान घिसिङ र नेपालका लागि युरोपेली संघका राजदूत भेरोनिक लोरेन्जोबीच सिंहदरबारस्थित मन्त्रालयमा शिष्टाचार भेटवार्ता भएको छ ।
भेटमा राजदूत लोरेन्जोले मन्त्री घिसिङलाई युरोपेली संघतर्फबाट बधाई तथा सफल कार्यकालको शुभकामना व्यक्त गरेकी छिन् ।
भेटमा रणनीतिक महत्त्वका जलाशययुक्त जलविद्युत् आयोजना, हरित ऊर्जा, ऊर्जा सुरक्षा तथा दक्षता, ऊर्जा क्षेत्रमा थप सहायता लगायतका विषयमा छलफल भएको थियो ।
मन्त्री घिसिङले जेनजी आन्दोलनपछि गठन भएको सरकारको प्राथमिकतामा चुनाव, सुशासन र आन्दोलनका कारण क्षति पुगेका भौतिक संरचनाको पुनर्निर्माण भएता पनि विकास आयोजनालाई अगाडि बढाउन नीतिगत तथा कानूनी सुधार, अन्तरमन्त्रालय समन्वय र विद्युत बजार सुनिश्चित गर्नु रहेको बताए ।
उनले ६७० मेगावाट क्षमताको दूधकोशी जलाशययुक्त आयोजना निर्माणलाई उच्च प्राथमिकतामा राखिएको र आयोजनाको वित्तीय व्यवस्थापन, प्रसारण तथा वितरण प्रणाली सुधारका लागि युरोपेली संघको थप सहायता उपलब्ध गराइदिन आग्रह गरे ।
राजदूत लोरेन्जोले नेपालको ऊर्जा क्षेत्रमा सहकार्य र सहयोगको लागि युरोपेली संघ सँधै तयार रहेको स्पष्ट पारिन् ।
© 2026
All rights reserved.
Design & Developed By:
