© २०२३
७ पुष २०८२, सोमबार
७ पुष २०८२, सोमबार
काठमान्डौ, १० असोज ।
गृह मन्त्रालयले भदौ २३–२४ गते भएको जेनजी प्रदर्शनका क्रममा भएका भौतिक र मानवीय क्षतिको यथार्थ छानबिन गर्न गठन गरेको आयोगले बिहीबारदेखि आफ्नो काम सुरु गरेको छ ।
जाँचबुझ आयोग ऐन, २०२६ को दफा ३ बमोजिम गठन गरिएको यस आयोगले राष्ट्रहित, सुशासन र भ्रष्टाचार नियन्त्रणसम्बन्धी मागसहित प्रदर्शनका क्रममा काठमाडौं लगायत मुलुकका विभिन्न भागमा भएका क्षतिको छानबिन गरी प्रतिवेदन पेश गर्ने दायित्व पाएको छ।
आयोगलाई भौतिक र मानवीय क्षतिसँग सम्बन्धित सूचना वा निवेदन ग्रहण गरी विश्लेषण गर्ने तथा कारबाहीसम्बन्धी आवश्यक राय दिने कार्यादेश पनि दिइएको मन्त्रालयले प्रेस विज्ञप्तिमार्फत जनाएको छ ।
गृह मन्त्रालयका अनुसार, आयोगको प्रतिवेदन प्राप्त भएपछि सरकारले कानुन बमोजिम आवश्यक कारबाही अघि बढाउनेछ ।
विज्ञप्तिमा भनिएको छ,’आयोगको कार्यक्षेत्रमा रहने विषयमा सरकारका नियमित संयन्त्रबाट तत्काल कारवाही अगाडी नबढाइने तर गैर कानूनी रुपमा भएका र हुने गतिविधिमा कानून अनुसार कारवाही हुने व्यहोरा समेत सबैमा जानकारी गराइन्छ ।’
© २०२३
सर्वाधिकार सुरक्षित
Design & Developed By:
