© 2026
१४ माघ २०८२, बुधबार
१४ माघ २०८२, बुधबार
काठमाडौँ ।
पानीमा करेन्ट प्रवाह हुँदा करेन्ट लागेर भारतको कोलकातामा कम्तीमा १० जनाको ज्यान गएको छ । समाचार संस्था सिन्ह्वा का अनुसार, लगातार १२ घण्टासम्म परेको भारी वर्षाले सहरको ठूलो हिस्सा डुबानमा परेको छ, जसका कारण जनजीवन प्रभावित भएको छ ।
भारी वर्षासँगै सडकमा पानी जम्दा गाडीको आवागमनमा बाधा पुगेको छ भने मानिसहरूको दैनिक गतिविधि ठप्प भएको छ ।
बेनियापुकुर, कालिकापुर, नेताजी नगर, गरियाहाट, एकबालपुर, बेहला र हरिदेवपुर क्षेत्रहरूमा छुट्टाछुट्टै घटनामा मानिसहरूको ज्यान गएको जनाइएको छ ।
भारतीय मौसम विज्ञान विभागका अनुसार, पछिल्लो २४ घण्टाभन्दा कम समयमा कोलकातामा २५१.४ मिलिमिटर वर्षा भएको छ, जुन अत्यधिक मात्राको वर्षा हो ।
वर्षाले कोलकाता विमानस्थलमा पनि ठूलो असर पारेको छ । रिपोर्टहरू अनुसार, १०० भन्दा बढी उडानहरू प्रभावित भएका छन् । तीमध्ये ६२ उडान रद्द गरिएको छ भने ४२ उडान ढिलो भएको बताइएको छ ।
© 2026
All rights reserved.
Design & Developed By:
