खोज

काठमान्डौ, ८ असोज । 

विश्वव्यापी चर्चित ब्युटी पेजेन्ट ‘मिस युनिभर्स’ को नेपाल फ्रेन्चाइज ‘मिस युनिभर्स नेपाल २०२५’ को फिनाले आज हुने भएको छ।

काठमाडौंको रोएल टुलिप होटेलमा दिउँसो ४ बजे देखी सुरु हुने फिनालेमा १४ जना सुन्दरीले प्रतिस्पर्धा गर्दै छन्। प्रतिस्पर्धामा सन्या अधिकारी, प्रतिक्षा अधिकारी, निर्जला न्यौपाने, ईशा राई, आरोही बस्नेत, लिसा बर्नावल, सुयसा सिंहराज, सिखा पराजुली, सरस्वती राई, वर्षा कंडेल, ज्योति थापा, अलिना एरी, एन्जल डंगोल र सोनालिसा ढुंगाना रहेका छन्।

ग्लोबल ग्ल्यामर भेन्चरको आयोजना हुँदै आएको मिस युनिभर्स नेपालको फिनालेको तयारी पुर्णरुपमा सकिएको राष्ट्रिय निर्देशक संगीता पुरीले जानकारी दिइन्। पुरीका अनुसार गतबर्ष भन्दा यसबर्ष युवतीहरूको सहभागिता राम्रो थियो। साथै फाइनलिस्टहरु १४ जनानै उत्तिकै प्रतिभाशाली रहेको उनको भनाई छ।

यसअघि नै निर्देशक पुरीले मिस युनिभर्स नेपालका लागी धेरै मापदण्डहरू खुकुलो पारेको जानकारी दिएकी थिइन्। कुनै उचाइ, तौल, वर्गको आधारमा मापदण्ड नराखिएको जानकारी दिएकी थिइन्। सोही अनुरूप अहिले विभिन्न उचाइ तथा विभिन्न पेसा गरिरहेका महिलाहरूको सहभागिता रहेको छ। उनले भनेकी छिन्, ‘मैले भन्दै आएकी छु, यो सम्पूर्ण ब्रह्माण्डमा नेपाली महिलाहरूको असीम क्षमता उजागर गर्ने प्लेटफर्म हो।  तपाईँ जस्तो हुनुहुन्छ, त्यही नै तपाईँको सौन्दर्यता हो।’

यसबर्षबाट मिस युनिभर्स नेपाल रियालिटी शोको रूपमा पनि रहेको थियो। युट्युवमा सार्वजनिक रियालिटी शोको विभिन्न ६ एपिसोडमा प्रतिस्पर्धीहरुले कल्चरल फोटोसुट, किचेन च्यालेन्ज, रनवे च्यालेन्ज लगायतमा प्रतिस्पर्धा गरिएको मिस युनिर्भ नेपालकी अध्यक्ष साबी पुरीले जानकारी दिइन्। पेजेन्टको कोरियोग्राफरको रूपमा दिक्पाल कार्की रहेका छन्। पेजेन्टको कोरियोग्राफरको रूपमा दिक्पाल कार्की रहेका छन्।