© २०२३
२१ मंसिर २०८२, आइतबार
२१ मंसिर २०८२, आइतबार
काठमाडौं, ७ असोज ।
चितवनको इच्छाकामना गाउँपालिका–५ स्थित तुइनखोलामा भयंकर सुक्खा पहिरो खसेपछि नारायणगढ–मुग्लिन सडकखण्ड अनिश्चितकालका लागि बन्द भएको छ ।
मंगलबार दिउँसो ३:२० बजे खसेको पहिरोले सडकसमेत भासिने उच्च जोखिम देखिएको छ । चितवनका प्रहरी प्रमुख (एसपी) गोविन्द पुरीका अनुसार, पहिरो निकै ठूलो भएकाले सडक तत्काल खुल्ने कुनै सम्भावना छैन ।
एसपी पुरीले भने, ‘तुइनखोलामा अत्यन्तै ठूलो सुक्खा पहिरो खसेको छ । पहिरोका कारण सडक नै भासिने खतरा रहेको छ । त्यसैले तत्काल सडक सञ्चालनमा ल्याउन सकिने अवस्था छैन ।’
उनका अनुसार, सडक खुल्न कति समय लाग्छ भन्ने अहिले नै अनुमान गर्न सकिने अवस्था छैन । पहिरो रोकिने कुनै निश्चित संकेत नदेखिएकाले काम सुरु गर्न पनि सकिएको छैन ।
यस सम्बन्धमा निर्णय लिन सडक विभागको प्राविधिक टोली र सुरक्षा निकायहरूको बैठक हाल बसिरहेको छ । सडक भासिन सक्ने जोखिम भएकाले अहिले त्यहाँ पुगेका सवारीसाधनलाई फर्काइरहेको र यात्रुहरूलाई वैकल्पिक मार्ग प्रयोग गर्न अनुरोध गरिएको एसपी पुरीले जानकारी दिए ।
उनले थपे, ‘पहिरो अझै निरन्तर खसिरहेको छ । यस्तो अवस्थामा तत्काल पहिरो पन्छाउन सकिने सम्भावना छैन ।’
© २०२३
सर्वाधिकार सुरक्षित
Design & Developed By:
