© २०२३
६ पुष २०८२, आइतबार
६ पुष २०८२, आइतबार
तिलोत्तमा, २ असोज ।
मिलिजुली क्लब शंकरनगरले ‘जेनजी आन्दोलन’ का क्रममा ज्यान गुमाएका सहिदहरूको सम्मानमा सोमबार एक विशेष कार्यक्रमका बीच दीप प्रज्ज्वलन गरेको छ ।
त्यस अवसरमा क्लबका अध्यक्ष ईश्वर पाण्डेय र महासचिव दिपक भट्टराईले आन्दोलनमा सहिद भएकाहरुप्रति श्रदान्जली व्यक्त गर्दै कार्यक्रमको उद्देश्यमाथि प्रकाश पारेका थिए । कार्यक्रममा समाजसेवी टीकानिधि गौतमले शोक मन्तव्य व्यक्त गरे । शंकरनगर वन विहार तथा अनुसन्धान केन्द्रका अध्यक्ष खिमलाल पाण्डेको पनि कार्यक्रममा उपस्थिति थियो
।
राष्ट्रिय गान, एक मिनेट मौन धारण र दीप प्रज्ज्वलनबाट प्रारम्भ भएको कार्यक्रममा सहिदप्रति श्रद्धाञ्जली अर्पण गर्दै घाइतेको स्वास्थ्य लाभको कामना गरिएको थियो ।
साथै, आन्दोलनमा घुसपैठ गरी गैरकानुनी गतिविधि गर्नेहरूमाथि कारवाही, भ्रष्टाचार नियन्त्रण, सुशासन प्रवद्र्धन, विकास निर्माणमा चुस्तता र नेता–कर्मचारीको सम्पत्ति छानबिन गरी कारवाही गर्नुपर्ने माग राखिएको थियो ।
मिलिजुली क्लबले जेनजी पुस्ताका युवाको चाहना र भावनाअनुसार अघि बढ्न सके मात्र सहिदप्रति सच्चा श्रद्धाञ्जली हुने बताउँदै, अब कुनै आन्दोलनको नाममा नेपालीको ज्यान नजाओस् भनी कामना गरेको थियो ।
© २०२३
सर्वाधिकार सुरक्षित
Design & Developed By:
